سيدي الكاظم عليه السلام
سيدي الكاظم كظه بحبس الرشيد
شكد تحمل من اذى السم الشديد
والمصيبه خــلـوا برجله الحديد
كوموا شيعوا جنازته هذا العميد
خل تجي الشيعه تودع هالفكيد
**************
هذا ابن سيد الورى وسيد الرسل
هــذا ابن خيرالنسه وخير العمل
هذا جده المصطفى وهو الاصل
هذا جده المرتضى رمز العدل
هذا جده يشفع بيوم الوعيد
**************
عل الجسر نعشك بده يا ابو الرضا
بيك صـــاحوا هــاذا امام الرافضه
وانت امك فاطمه وابوك المرتضى
نصف عمرك بالسجن ليش انكظه
من سجن مظلم الى سجن جديد
**************
خل نشيع هل الامام بها الظهر
خلي نحمل نعشه من فوك الجسر
خل نصيح عليه مظلوم العصر
خل نعزي الامام المنتظر
يشوف جده برجله كيود وحديد
***********************
الشيعه اجــتي عــل الجسر متامله
الها غاية اتشوف ابن عقد الوله
موسى بن جعفر شهيد عل الملا
مثل جـــده استشهد بطف كربلا
شيعوا موسى الشهيد ابن الشهيد
*************
اصرخ بصوت النعي بصوت النحيب
هـل دموعك يل موالي عل الغريب
صاحب السجده الطوليه يل الحبيب
سمره بوجه تشع نور عجيب
هذا اسد بغداد مسموم العميد
****************
يله لبسوا ازياء سوده ويه الحجاب
يله صب ادموعك ومثل السحاب
يله الطم عل الصدر ارجك ثواب
يله امشي وعزي صاحب هل مصاب
يله خل نبجي على هذا العقيد
*****************
وترتدي ثياب الحزن لون السواد
وتمتلي بغداد باجواء الحداد
و من تجي العزيات من كل البلاد
وتعتني لباب الحوايج والمراد
وتنشد ابيات الحزن وي الكصيد
**********************
ابو مهدي عادل النجفي
تعليق