إعـــــــلان

تقليص
لا يوجد إعلان حتى الآن.

ليلة العاشر / الزهراء وام البنين ع

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ليلة العاشر / الزهراء وام البنين ع

    تلاكن بليلة العاشر البضعه وي ام الكمر
    كعدن ودمع النواظر للحزن يرسم صور

    يم خيم سيد الشباب يسمعه ايات الكتاب
    يرتل حسين
    """"""""""
    بليلة ألم يم الخيم بليله شكثر حزينه
    تلاكن جرح واعظم صرح صرح الوفه الامينه
    من السمه جت فاطمه تريد الابن تعينه
    وبعاطفه ام الوفه حضرت من المدينه

    كصدن حسين بحزهن والحشى واجر قهر
    يزيد بعد اكثر قهرهن لو يصدن للنهر
    والكلب بالحسره ذاب يسمعن ايات الكتاب
    يرتل حسين
    """""""""""
    كعدن سوه هلال وضوه وحيل اخلصن سمعهن
    حسين الابي ابن النبي يطيب الم جرحهن
    بكسرة كلب وي التهب صوت الاجه وفزعهن
    بعين تهمل يقره النمل صب عالوجه دمعهن

    لن ابو اليمه بحسرته مضطر وقل النصير
    أمن يجيب القراها تدفع الامر الخطير

    وأمن يزيل العذاب يسمعن ايات الكتاب
    يرتل حسين
    """"""""""
    تلطم غدت يبني نعت ما صح مثل غربتك
    خان الدهر وجهي انسطر والقادم اعله اختك
    ما احتمل امة جهل بخيل تعدي اعله جثتك
    وبيك الظمه كالحاطمه يبس ييمه شفتك

    خوفي تتفرهد خيامه وتشتعل بخيامه نار
    وانتي تدرين الاعادي تطلب بصفين ثار

    وبالدمه يصير الخضاب يسمعن ايات الكتاب
    يرتل حسين
    """"""""""
    يم الحسن يم المحن يا كوثر الرشيده
    بطلي البجي وسمعي الحجي يمه اخوته وعضيده
    اربع ولد شبول الاسد تربايت الصميده
    بصدري ارضعوا وترعرعوا حبچ لهم عقيده

    تكلها انه اربع بنيني انذرتهم للحسين
    بسچ اتونين وانتي هوايه ما ذيچ الونين

    والمصاب ابصف مصاب يسمعن ايات الكتاب
    يرتل حسين
    """""""""""
    باچر يجي بيه ارتجي تسلم غدا بنينچ
    وخل عالثره وموذره اولادي فدا لحسينچ
    انه انتحب الباري احتسب ولا تجري دمعه عينچ
    اقسم قسم براعي العلم يا زهره وبسنينچ

    علمتهم عالتفاني شلون يفدون الاخو
    شلون يسلم خدر اختهم ولون عالغبره كظوا

    وفدوه لحسين الشباب يسمعن ايات الكتاب
    يرتل حسين
    أشهد ان عليا ولي الله

    و أحنه غير حسين
    ما عدنه وسيله
يعمل...
X