العاداك اشأجاه وما قره التاريخ
گبر لفه بلحد فوگاه طن أتراب
تاريخك بحر فنه اليكايش بي
المايعرف سباحه يغرگه المرزاب
سيف مجرب أنت وعيب اگول تخاف
غضب سيفك أشوفه يحز حلك الگراب
رغم جرحك الهيبه بطارف أثيابك
الأسد معروف طبعه ماعليه أحجاب
بس والله وحياتك والعلم والگاع
من باعوك ذبوني أبحر تيزاب
عذرا ياوطن راح احچي بلسانك
كلمات العتب والعتب للألباب
الوطن يهل الوطن يتنخه بالفزاع
فزاعة ضمير الغيره عدهه أطباع
كون الوكت يندار بعراق الضاع
وترجعله زلم حيدر علي السباع
لان سوح الوطن محتاجه شيل ذراع
ما محتاجه دكت بوق والمذياع
الوطن يهل الوطن شابح عليكم عين
وبركان الزعل يتلافح بروحه
رايد ناسه كلهه تنهض افد أيد
تشيل الخيط والابره على جروحه
ورايد كلمه منكم مثل حد السيف
الحيه بضربه وحده تصير مرجوحه
وبعد رايد ضمائر تستحي من الله
والگطره بوجهه بشرف مملوحه
الكذب حبله گصير ومايمر عالناس
بس حبل الصدك عگتاته مفتوحه
حرامي البيت اسود وجهه بين الناس
المنخل عيب يحجب قصه مطروحه
عذرا ياوطن هذا الأمر ميصير
لان حب ألانه قافل علينه الباب
------- بقلمي ------