إعـــــــلان

تقليص
لا يوجد إعلان حتى الآن.

نادت حسين /بين السيدة زينب والإمام الحسين عليهما السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نادت حسين /بين السيدة زينب والإمام الحسين عليهما السلام

    _نادت حسين.. يا ضوه العين
    يا بعد زينب تدليني بمچانك

    _ فاگده الراي.. هجمت اعداي
    شيلكه سولفلي إلذي يضيع حنانك

    _ ارد انشدك خويه جرح الضاهدك وين؟
    _ ما تدليني بمچانك يا ضوه العين
    ____________

    وينك صحت.. يالما غبت.. دوم انت ساكن بالي
    جنت انت يحسين النبض.. اليتسله بيه دلالي
    يا هيبتي.. ويارفعتي.. وينك يراسي العالي
    ياخويه فرت نسوتك.. وريتك تشاهد حالي

    ياخو عباس... هجمة الناس
    والمره المذهوله ما تلگه التدابير
    حايره شلون... من العيون
    وين اوديهن يبو سكينه الحرايّر

    اعذرني غصبا عني ضربوهه النساوين
    ما تدليني بمجانك يا ضوه العين
    ما ينفگد.. بدر المجد.. أدل عليه انواره
    لاجنه معذور إلذي.. تعمي الدواهي انضاره
    عطرك اشم.. يطهر جسم.. بلكي اقتفي آثاره
    لن عطرك مغطي الفلا.. وين اتجه محتاره

    ما عشت هاي.. يا هوه وماي
    أحيا انه بدنيه الي بيها غايب حسين
    چِنه الأنفاس.. بهذا الإحساس
    بيها نتشارك لحد ما فارگ البين

    و ماظن يطيب النفس بعد الي ماشين
    ما تدليني بمجانك ياضوه
    _________________
    يم النهر.. إبالي خطر.. گاصد يخويه عضيدك
    بس ادري مكسور الظهر.. وتوصله ماهو بإيدك
    شتخيلك.. ذاك المَلَك.. ولو ضيف يگصد عيدك
    لو صرت مرتع للنبل.. وعالكاع يجري وريدك

    هاي الأفكار... وبالخيم نار
    ضيعت لاني لخيامي لاني اجي ليك
    بهذي الهموم.. عن السموم
    و الشمس جيت بعباتي ارد أفيك

    خيمه ماكو خويه حركوها الصواوبن
    ما تدليني بمچانك يا ضوه العين

    _________
    لمنظر جسد .. عيني تصد .. وفوكه نبل وي رماح
    ويم جسمه مجموع الحجر.. مغدور باين من طاح
    بس عاينت.. اتألمت .. وليه كلبي عافاني وراح
    وناداني من يم الجسد.. مبغاج يا زينب صاح

    علة الكون.. شفته مطعون
    وعالوجه مچفي وتغطه بذاري التراب
    ولون إلدموم.. امغير الرسوم
    وجسمه ميدان السيوف وطعن الحراب
    كلي عد ربك شلك يمضحي لدين
    ما تدليني بمجانك يا ضوه العين
    ما تنحصي.. ببن الوصي.. جروحه ويعدهن حاسب
    لن الجرح فوك الجرح.. وهم فوكه سهمٍ خايب
    ما صوبك.. ولا خضبك.. و يا ريته راسي صايب
    ولا اشوف هذي حالتك.. وعرمح راسك ناصب

    لا اداويك.. ولا اخليك
    وانت لحروحك فلا ينفع دوه الكون
    بجيتي ليك.. ردت ارويك
    وما بقه جاري فقط دمعات العيون

    اليحوي جسمك كلبي لو هذي الميادين؟
    ما تدليني بمجانك ياضوه العين
    أشهد ان عليا ولي الله

    و أحنه غير حسين
    ما عدنه وسيله

  • #2
    ماجورين
    يبارك الله لكم
    القصيدة الحسينية المباركة
    شكرا لكم كثيرا

    تعليق

    يعمل...
    X