النتائج 1 إلى 2 من 2

الموضوع: نادت حسين /بين السيدة زينب والإمام الحسين عليهما السلام

  1. #1
    عضو جديد
    الصورة الرمزية ابو زينب الظالمي
    الحالة : ابو زينب الظالمي غير متواجد حالياً
    رقم العضوية : 185085
    تاريخ التسجيل : 16-10-2014
    الجنسية : العراق
    الجنـس : ذكر
    المشاركات : 90
    التقييم : 10

    افتراضي نادت حسين /بين السيدة زينب والإمام الحسين عليهما السلام


    _نادت حسين.. يا ضوه العين
    يا بعد زينب تدليني بمچانك

    _ فاگده الراي.. هجمت اعداي
    شيلكه سولفلي إلذي يضيع حنانك

    _ ارد انشدك خويه جرح الضاهدك وين؟
    _ ما تدليني بمچانك يا ضوه العين
    ____________

    وينك صحت.. يالما غبت.. دوم انت ساكن بالي
    جنت انت يحسين النبض.. اليتسله بيه دلالي
    يا هيبتي.. ويارفعتي.. وينك يراسي العالي
    ياخويه فرت نسوتك.. وريتك تشاهد حالي

    ياخو عباس... هجمة الناس
    والمره المذهوله ما تلگه التدابير
    حايره شلون... من العيون
    وين اوديهن يبو سكينه الحرايّر

    اعذرني غصبا عني ضربوهه النساوين
    ما تدليني بمجانك يا ضوه العين
    ما ينفگد.. بدر المجد.. أدل عليه انواره
    لاجنه معذور إلذي.. تعمي الدواهي انضاره
    عطرك اشم.. يطهر جسم.. بلكي اقتفي آثاره
    لن عطرك مغطي الفلا.. وين اتجه محتاره

    ما عشت هاي.. يا هوه وماي
    أحيا انه بدنيه الي بيها غايب حسين
    چِنه الأنفاس.. بهذا الإحساس
    بيها نتشارك لحد ما فارگ البين

    و ماظن يطيب النفس بعد الي ماشين
    ما تدليني بمجانك ياضوه
    _________________
    يم النهر.. إبالي خطر.. گاصد يخويه عضيدك
    بس ادري مكسور الظهر.. وتوصله ماهو بإيدك
    شتخيلك.. ذاك المَلَك.. ولو ضيف يگصد عيدك
    لو صرت مرتع للنبل.. وعالكاع يجري وريدك

    هاي الأفكار... وبالخيم نار
    ضيعت لاني لخيامي لاني اجي ليك
    بهذي الهموم.. عن السموم
    و الشمس جيت بعباتي ارد أفيك

    خيمه ماكو خويه حركوها الصواوبن
    ما تدليني بمچانك يا ضوه العين

    _________
    لمنظر جسد .. عيني تصد .. وفوكه نبل وي رماح
    ويم جسمه مجموع الحجر.. مغدور باين من طاح
    بس عاينت.. اتألمت .. وليه كلبي عافاني وراح
    وناداني من يم الجسد.. مبغاج يا زينب صاح

    علة الكون.. شفته مطعون
    وعالوجه مچفي وتغطه بذاري التراب
    ولون إلدموم.. امغير الرسوم
    وجسمه ميدان السيوف وطعن الحراب
    كلي عد ربك شلك يمضحي لدين
    ما تدليني بمجانك يا ضوه العين
    ما تنحصي.. ببن الوصي.. جروحه ويعدهن حاسب
    لن الجرح فوك الجرح.. وهم فوكه سهمٍ خايب
    ما صوبك.. ولا خضبك.. و يا ريته راسي صايب
    ولا اشوف هذي حالتك.. وعرمح راسك ناصب

    لا اداويك.. ولا اخليك
    وانت لحروحك فلا ينفع دوه الكون
    بجيتي ليك.. ردت ارويك
    وما بقه جاري فقط دمعات العيون

    اليحوي جسمك كلبي لو هذي الميادين؟
    ما تدليني بمجانك ياضوه العين





  2. #2

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •