زينب تخاطب العباس (ع) شعر

[احمد العبادي]

بكيت امحيره واصفج بديه................عافوني اخوتي بالغاضريه


-----------------------------------------------
زينب نادت اخوتها ولا راد .............. جواب اولا فزع واحد ولاراد
عكبكم فرهدوا عزي ولارا.............. اوخذوني اميسره لبن الدعيه

-------------------------

تندب والندب يرجع صدالهه ............ كصدت والعدى عنك صدالهه
يا عباس هاي اختك صدالهه............ تحشم بيك بارض الغاضريــه

---------------------------

كـلي اشعطلك عنا ولاجــــت..............اوعليك اكلوبنا انعصرت ولاجت
الحرم بالبيد من فرت ولاجت.............وانا احتاريت ياهو ايلمهـــا ليـــه


-------------------------

يخويه خيل عدوانك ولنه................ واحنه حرم ما واحد ولنــــــــه
راح الجان حامينه ولنــه................. ضحايا امجدله فوك الوطيـــــه


------------------------

زينب كصدت العباس والهــم................ تكله صار اليه صبر والهم
لكت بالعين نابت سهم والهام.............. امهشم والعمد بيه المنيــــه


---------------------

يخويه الكلب من فركاك بيداي..........اوحرت يا صوب اهيمن بيه بيداي
يبو فاضل لونه يصح بيـــداي.......... الجفوف اتعود الك يابو الحميـــــه


----------------------

يخويه انته الكفيل او كلت عينج ........... اخوج آنه اوعلى الشدات عينج
يزينب مايمـر الدمع عينـــــــج ............. دمعتي اخلاف عينك سلوه ليـه


(فارس العبادي)

[ضيف]

السلام عليكم. أحسنتم ويغفر الله لكم أيها المؤمنون وعلى مثل الحسين عليه السلام فليبك الباكون