تويت
تستعر كل يوم جمرت مصابي
وكيدي خط بالايد اية عذابي
وماخفت اثارة وشب دليلي بنارة
تستعر كل يوم نيران المصاب
وعن نظر هل عين حز كيدي ماغاب
وللدهر بحشاي جم نايبة وناب
يرعن بهل روح لفراك الاحباب
دم تهل العين وتخط اثرهه بالجفن وجروح اظحت صورهه
ودمعي خط اثارة = وشب دليلي بنارة
من اصد للكيد تاخذني الايام
ونظر علة النوك زينب والايتام
مسلبه بهل يوم مسبية للشام
ومن عكب عباس تحرسهه ظلام
وانه كسر الكيد يصعب علية اشلون اشوف اليوم زينب سبية
وباليسر محتارة = وشب دليلي بنارة
وعن بعد وتلوح صيحت رقية
تنادي يالسجاد محزوزة ادية
مالي حيل الكيد يصعب علية
منين اجيتي منين يالغاضرية
ولن صدى هل صوت كل لحظة اسمعه ساكن بهل روح بالامي يرعة
وهل صدى واوزارة = شب دليلي بنارة
ولوعة الايتام واية ظماهه
شما شربت الماي اسمع صداهه
ظامية ولليوم محد رواهه
تنادي ياعباس والهم ولااهه
ننتظر ملكاك ياصاحب الجود وللخيم هل يوم نتامل تعود
والدمع يتجارة = وشب دليلي بنارة
انظرك ياكيد ورعه بهلاحزان
وبالكلب خليت لمصابي نيشان
بيك اشوف حسين يبرالي عطشان
من العذب محروم وبغربت اوطان
من العذب محروم ودم نحرة يجري بلا ذنب مذبوح والينة تدري
ولية تربي انظارة = و شب دليلي بنارة
ليك اصد ياكيد صبح ومسية
وتلتهب بحشاي نار الرزية
اذكر الخوان واهل الحمية
بلا غسل ياحيف فوك الوطية
ليك اصد ياكيد ليلي ونهاري شلون ابوي حسين عالغبرة عاري
والسيوف اسوارة = شب دليلي بنارة
=====
الحمد لله
ابو حسن المياحي
الحمد لله
ابو حسن المياحي
تعليق