ﮔومي لبسي الحزن يامعصومه (قصيدتي)عزاءا باستشهاد الرسول الاكرم (ص)

[خليل علي الزبيدي]

ﮔومي لبسي الحزن يامعصومه ........ غاب طه وغيبــــــته ميشومه

ـــــــــــــــــــــــــــــــــــــــــ

غاب عودچ والبسي هدوم الكدر........ شوفي بالله شضاملچ بعده الدهر

بعد متسمعين آيات وسور........ وبعده تصبح عيلـــــــته محرومه

ــــــــــــــــــــــــــــــــــــــــــــ

شلون يحرمها الدهر من الحبيب ........ يصير بيت المصطفه بعده غريب

تنحرم ميراثها والله عجيب ........ بالفتاوى الباطله المســـــــــمومه

ـــــــــــــــــــــــــــــــــــــــ

لبسي ثوب الحزن يابت البشير ........ باﭼر تـﮔوم الفتن والله المجير

بالعكس دولابها يمشي ويسير ........ خطط ﮔبل الفاجعه مرسومه

ــــــــــــــــــــــــــــــــــــــــــ

خللي اسولفلچ شيجري من مصاب ........ من يـﮔودون الوصي داحي الباب

وتوج نار اببابكم بيد الأجناب ........ بعد اسولف والقصص مالومه

ـــــــــــــــــــــــــــــــــــــــ

باﭼر المحسن يطيح عله الثره ........ وبابچ بنار الاحقاد موجره

وباﭼر يهشمون ضلع الطاهره........ وباﭼر يلوعوچ يامظلومه

ــــــــــــــــــــــــــــــــــــــــــــــــــ ــــــ

ليش دار المصطفه بعده تنداس........ وليش آذو فاطمه ﮔوم الارجاس

هذا منهم صار للبعده أساس........ حتى ابنها يسلــِّبون هدومه

ــــــــــــــــــــــــــــــــــــــــــــــــــ ــــــــ

لون ما عالباب صاحبهم هجم........ ما تجره الشمر وج نار بخيم

لولا دفع الباب ماطاح العلم........ عل الفرات ولنسبت جلثومه

___________________

ياآله الكون ياحي ياقيوم........ عجّل لموعودنا وﮔرب اليوم

ندري تالي الظلم يفنه ولا يدوم........ وباﭼر الغايب تصيح علومه

ـــــــــــــــــــــــــــــــــــــــــــــــ

تصيح يالثار ياطالب الثار........ وين كل جنودها ووين الانصار

وين ﮔوم الوجت عل الباب نار........ حكم بالنار بأمر معدومه

ـــــــــــــــــــــــــــــــــــــ

[احمد الحجي]

وفقك الله وجعلها في ميزان حسناتك

[خليل علي الزبيدي]

عظم الله أجوركم أخي العزيز
رزقك الله نور ميزان الاعمال وسيف ذي الجلال وساقي السلسبيل الزلال .

[فاطمه التميمي]

جميل عمو تسلم الله يوفقك

[خليل علي الزبيدي]

إبنتي العزيزة فاطمة التميمي
سلمت أيامك من كل سوء وحباك الباري نور محبته بحق خير بريته