تويت
من شافت عيوني المنارة وقبة حسين
هاجت احزاني وسالت الدمعه من العين
من عادة الزوار تستأذن الرحمن
والزهره و الكرار والمصطفى العدنان
وانا من اللهفه اجيتك بلا استئذان
اهتف وانادي لنصرتك لبيك ياحسين
ومن امسك الشباك وحولي المصرع ايحوم
اصرخ وقلبي يحترق من نار لهموم
امي وابويه وروحي ترخص لك يمظلوم
وكل غالي يرخص لك ينور العين يحسين
عفت الاهل والوطن واتعنيت لطفوف
وطول الدرب عاشر يهرول حولي ويطوف
واتصورك محني على مقطوع لجفوف
حاير ترد لو ماترد للخيم يحسين
من أذكرك ياسيدي جثه بلا راس
وصدرك ابعشر خيول فوق الترب ينداس
نفسي تذوب وتنقطع مني الأنفاس
وروحي أحسها اتريد مني اتروح يحسين
جسمي يضل سالم وجسمك كله جروح
ماريد عمري من بعد عمرك يمذبوح
خلها يبو السجاد روحي لجلك تروح
بعدك على الدنيا العفا مولاي يحسين
انت يخلونك معفر فوق الرمال
وصدرك يعرش الله يدوسونه بلنعال
وراسك يقطعونه ويشيلونه بعسال
وشحال أمك فاطمة المظلومة يحسين
ما أقدر حجر صوب جبينك
والسهم فتت مهجتك الله يعينك
وظالم لجل خاتم خنصر يمينك
وحزوا كريمك والجسد رضوه يحسين
وتتشتت اعيالك بعد ذبحك بلبرور
وتتفرهد النسوان من تنحرق لخدور
وانته على التربان مرمي ودمك ايفور
وزينب اتنادي الغوث ياعباس يحسين
عظم الله اجورنا وأجوركم
تعليق