كلمن عالحشد ألف اقاويل
عن أُمه اســــــالو وشوفو ماضييه
تلگونه وضيع وأصله مجهول
واصلابه الرذيله وسمعه شكليه
حچي هوايه سمعنه وعَفنَّه الاصوات
ندري بهالــــــــعزف نغماته بعثيه
وندري بالاناء ينضح بما فيه
اذن كل الحچو هُمَه الحراميه
نهبتو بالوطن بايام هدام
وعلى نزف الدمه سويتو چوبيه
ارتبطتو بالخليج وصرتو احباب
اخذتوهه امتياز الرتبه لوگيه
داعش من نهب شو صرتو خرسان
ويعلنهه علن زفاته ليليه
عفتو بيوتكم من غير مفتاح
واخذ بيهه الدواعش احله حريه
احترامن للمشاعر نخفي ماصار
لان بعض الجره شغلاته سريه
آنه ابن الحشد واحچيهه مكشوف
ماظـــــــــلت بعد اسرار مخفيه
مبخوت الحشد چي يعشگ حسين
سووه امن البخت عالهامه بيريه
طلع لجل الشرف ويطهر الگاع
چن زلزال صيته وهزه ارضيه
معقوله اليضحي شلون سلاب
ورفع راية جهاد وفتوه شرعيه
هم شفتم حرامي يطب على الموت
ويـنزف بالدمه من اجل ترچيه
لو شفتم حرامي يضحي بالروح
لــــــجل ثلاجه ماتسوه ثلث ميه
الفدائي البالحشد مايهوه الاموال
اجه يقاتل بدالك عاف اهالييه
زلمنه البالحشد ماتنهب فلوس
لجل ادياركم صارو فدائيه
الفدائي البالحشد من طب على البيت
لبسهن خواتك شـــــــــيله شيعيه
طلع لجل الوطن والشرف والدين
صان اعراضكم يالصرتو واويه
ولك لو بالجنوب الصا ماصار
حتى اطفالنه يفزعون حربيه
چا حتى الرضيع يطگ الگماط
ويهد هدت زلم وبهمه ثوريه
انهضمتو من بزغ نور انتصارات
ورفت عالسطح رايه الحُسينيه
هزت شاربك ثلاجه ياحيف
وگاعك والشرف ياوسفه عاديه
الغيره امن الگصص زحتوهه فدنوب
جي عدكم اساس الغيره وهميه
وغيره البالحشد اسسهه عباس
يلوگ الهه الاسم سموهه مهديه
تعليق