آه ياعراق...!

[همسة ولاية]

آه ياعراق


آه ياعراق ..شقد قسيت على اهلك واحبابك


نعاني ..هموم.. وغربة.. وشوق ماله حدود


نبجي وجع..نبجي الم..نبجي هم ويا حسرات


نبجي مفارق أهل ..واحباب..وبقايا أثر لديار


مشينا آخر الخطوات وكانت مثل الجمر يلهب


نمد الرجل خطوة ونرجع بها عشر خطوات


ماتكوى الجدم والله نمدها تخطي اعتابك


ندوس على التربان وكنه جمر يحرق الرجلين


مشينا وبالقلب حسرات تتلهب على فرقاك


قمنا ندير الراس نتلفت وشفنا قباب ذهب متعلية


بجينا دموم وصحنا.. أياااوسفة تركت ارضك


بارض الغرب تفرقنا بلا صاحب وخلان


صادقنا دموع العين ونبض قلب بوجع يتفطر


و من ينشدنا شخص عن عنوان يجمعنا


عبرات تخنقنا ونرد بصوت عالي ومبحوح


نحيا ونموت وعنواننا هو...العراااااااق


....


لك يامن جعلت قلمي يخط عن العراق


....


همسة ولاية



20-3-2010

[أسيرة الماضي]

[جبل الصبر]

آه ياعراق
نمد الرجل خطوة ونرجع بها عشر خطوات

[ضيف]

سلمت اناملك الولائية على الكلمات الجميلة والطرح الاجمل
وننتظر جديدك القادم
تحياتي

[همسة ولاية]

أشكركم جميعاً على تواجدكم وإنارتكم متصفحتي المتواضعة
لكم مني كل الاحترام والتقدير

[ضيف]

اللهم صل على صاحب الدعوة المحمدية، والشجاعة الحيدرية، والعصمة
الفاطمية، والصلابة الحسنية، والاستقامة الحسينية، والعبادة السجادية،
والمآثر الباقرية، والآثار الجعفرية، والعلوم الكاظمية، والحجج الرضوية،
والفضائل الجوادية، والأنوار الهادية، والهيبة العسكرية، والحجة الالهيه