إعـــــــلان

تقليص
لا يوجد إعلان حتى الآن.

بمناسبة فاجعة رسول الله (صلى الله عليه واله وسلم)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بمناسبة فاجعة رسول الله (صلى الله عليه واله وسلم)

    السلام عليكم ورحمه الله وبركاته
    ...............................................


    جينة ممشه انواسي حماي الحمة

    ابـفـكد ابـو الزهرة الزجية فاطمة

    ـــــــــــــــــــــــــــــــــــــــــــــــ

    جينة نصرخ يا علي من كل مكان

    راح ابـو الـزهراء واندار الزمان

    عكب ابو الكوثر بعد ما ظل امان

    وصــارت الـدنـيـه كئيبة ومظلمة

    ــــــــــــــــــــــــــــــــــــــــــــــــــ

    جينة نصرخ يا علي يابا الحسن

    عـظـم الله الاجـر بـالـمـؤتـمن

    ساعد الله حيلك ابذاك الزمن

    من شفت غدر السقيفة الظالمة

    ــــــــــــــــــــــــــــــــــــــــــــــــــ ـــ

    جينة نصرخ يا علي ياخو الرسول

    شـلـون غـصـبو حكك وحك البتول

    ونـتـه سـاكـت ابد ما تحجي وتكول

    آنـه ابـو الـسـبـطـين حماي الحمة

    ــــــــــــــــــــــــــــــــــــــــــــــــــ ـ

    جـيـنـة لـيـك انـواســي يا خير العمل

    عالجرة من اهل الحقد واهل الجمل

    ابـغـيـبـة الـمـخـتـار رد ذاك الـجـهل

    ونـكـرو الـسنة الصحيحة المسلمة

    ــــــــــــــــــــــــــــــــــــــــــــــــــ ـــــــ

    جينة ممشه شيوخ واطفال وشباب

    اويـانـه نـسـوه عـالوجه تنثر تراب

    كـلـهـا تـصـرخ عـظـم الله المصاب

    ابـهـاي فـاجـعـة الـرسـول المؤلمة

    ــــــــــــــــــــــــــــــــــــــــــــــــــ ـــــــ

    جـيـنـة مـمـشـه يـا امـيـر المؤمنين

    نـبـجـي عـالـمـخـتار سيد المرسلين

    نلطم اعله الراس مو بس عالجبين

    ونـحـبـت اويـانـه مـلائـكة الـسـمـه

    ــــــــــــــــــــــــــــــــــــــــــــــــــ ـــــــ

    جينه ممشه نشكي عد حامي الدخيل

    واحـنـه اهـل الـدين واصحاب الدليل

    صـار مـوقـفـنـه صـمـت والحك ذليل

    كـلـي شـنـهـي الـراي يابو الموزمة


    ــــــــــــــــــــــــــــــــــــــــــــــــــ ــــــــ

    جـيـنـه لـيـك انواسي يا فارس مضر

    ابـهـذا يـوم الـمـصـطـفـى خير البشر

    عكب ابو القاسم رجع حرب وصخر

    وطـشـرو دمـنـه بـسـيـوف واحـزمة

    وطـشـرو دمـنـه بـسـيـوف واحزمة
    الملفات المرفقة

  • #2
    وعليكم السلام ورحمة الله وبركاته
    سلمت الأنامل التي سطرت هذه الحروف الولائية
    جعلها الله في ميزان حسناتكم ورزقنا الله وياكم زيارته
    في الدنيا وشفاعته في الاخرة تقبل مروري تحياتي

    تعليق


    • #3
      عظم الله اجوركم اخ مصطفى الخالدي وبارك الله بكم

      تعليق

      يعمل...
      X