قصيدة شعرية بحق الأم

[خادمة الحوراء زينب 1]

السلام عليكم ورحمة الله وبركاته
اللهم صل على محمد وال محمد
-----------------------------
اجمل قصيدة انكتبت اوياي
شوكي اعليج حاير بيش المه
احط اسمج ابكلبي او انحني اعليه
حته اوي النفس كل يوم اشمه
ماعندي مكان اوين اخليج
رسم وجهج احيرن وين اضمه
لغز كلج لغز ياماي العيون
بس مرات لغزج حيل افهمه
اذا كلبي يدك الغيرج انهاه
واذا ماينتهي بضلوعي اعدمه
خيالج صوره حلوه ابكل الالوان
كليلي خيالج وين ارسمه
اذا فوك الضلع الكه الضلع نار
واذا يمج ركض مابيه الزمه
ياليل المحنه امنين احاجيج
ليلج بيه نجمه ابحضن نجمه
اكولن بيج كلمه او تشهد الناس
لان حبج جذب مابيه اكتمه
اذا يقبل الباري نعبد الغير
العبادة اتصير الج صدكيني يمه

[فاضل ابو اسلام]

احسنت يلغالي

[ابو عمار المياحي]

جعلكم الله من البارين بولديهم وجزاكم عنهم كل خيراختنا الفاضله\​خادمة الحوراء زينب1\

[خادمة الحوراء زينب 1]

احسن الله لنا ولكم اخي الفاضل ابو اسلام جعلنا الله واياكم من البارين بالوالدين

[خادمة الحوراء زينب 1]

جزيل الشكر والتقدير اخي الكريم ابو عمار لتواجدكم المبارك
تقبل تحياتي وسلامي

[الروح الحزينة]

كلمات رائعة احسنت جزاك الله خيرا

[خادمة الحوراء زينب 1]

احسن الله لنا ولكم أختي العزيزة شاكرة ردكم ومروركم العطر