قصيدتي((وين الحنينه))

[شاهزنان]

عظم الله تعالى لنا ولكم الأجر بذكرى شهادة مولاتنا الصديقة الكبرى فاطمة الزهراء ع
لعن الله من ظلمها وسلب حقها
قصيدتي(وين الحنينه)

وين الحنينه
گلبي بونينه
يايمه ردي ~~~هل ليله وحدي
أبنيتچ حَزينه
*********************
يازهره فكدچ صــار اكبر هضيمه
گلبي تمحن مرمـــــرني ضيمه
ريتچ ترديـــــــــن غبتي حريمه
عمري بليـــــــــاچ خلص يتيمه
بفكدج عمينه
وداعت عَليِنه
دمعي عله خَدي~~~هل ليله وحدي
أبنيتچ حزينه
*********************
يابضعه عينـاي تبچي المصابچ
مهظومه للموت رحتـي بعذابچ
من أذكر البــــاب ومحــد يهابچ
لذتي وتصيحين يشهد حجابچ
تنعى المــدينه
الزهــــــرة نبينه
أتحاچيني ودي~~~هل ليله وحدي
ابنيتچ حزينه
*********************
اذكــــر تشب النار من هاجمونه
صابچ الـــــــم بسمار ويشتمونه
دوهني محسن طـــــاح ويتمونه
ضلعچ تگسر اه مـــــــــايرحَمونه
گَلبي وانينه
عل ماتجينه
لحزاني عَدي~~~هل ليله وحدي
ابنيتچ حزينه
**********************
ليلة وداعچ نـــــار يايمه تلهب
من زغري يازهراء گَلبي تعذب
ضلمه ويون الحيد وبهمه حَدَب
يايمه راح النوم بفكدچ تسَلب
لامـــا غفينه
ننحب بكَينه
يل كلشي عندي~~~هل ليله وحدي
ابنيتچ حزينه
**********************
خوتي ينامون كــاتلني همهم
عذبهم فراك لحبيبه أمــــــهم
فراشــــچ يحظنو أيهون المهم
بلچن يشوفوچ لحظه بحلمهم
أنتي السفينه
بحظنچ ربيـــنه
عن حزني نشدي ~~~هليله وحدي
ابنيتچ حزيـــنه
*********************
شصبر على ياضيم عمري گظيته
دمعه وحزن گـــــل يوم مافارگيته
والله الفرح ماعـــــاد يمي ولگيته
راح وبعد ميعود وانــــــه النسيته
الفكدج وفينه
لامــــانسينه
يل چنتي سَدي~~~هليله وحدي
ابنيتچ حزينـــه
********************
بقلم/شاهزنان

[خليل علي الزبيدي]

أحسنتم موفقين
قصيدة رائعة وشجية