إعـــــــلان

تقليص
لا يوجد إعلان حتى الآن.

‏الگطع_موزين

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ‏الگطع_موزين

    السلام عليكم ورحمة الله وبركاته
    اللهم صل على محمد وال محمد
    -----------------------------
    سنه من السنين چان اكو رجل چبير اخوته وشيخ يحسب حسابه يسكن احد قرى الجنوب
    وچان عنده ولد هو وحيده وروحه من الدنيا
    كبر الولد وصار شاب تتمناه كل بنات السلف
    لكن بيوم من الايام شاف وحده من بنات العرب عجبته وقرر انه يسأل عليها ويتزوجها ..
    وبعد ان عرف من اي بيت هي راح لابوه وسولفله عن حبه لهاي البنيه ..ابوه مايكسر بخاطره ..گله يابويه روح لابوها واخطبها منه واذا وافق ناخذ مشيه ونروح له ..
    راح الولد لابو البنيه وعرف عن نفسه انه ابن شيوخ وجاي يخطب بنته ..لكن الرجل صفن وگال ياولدي روح گل لابوك احنه بينه ملوحه (الملوحه يعني عندهم اصول للعبيد ) رجع الولد لابوه وگله بالي سمعه سكت الاب لكن ابنه عزيز عنده گله ياابني روح كله احنه موافقين حتى لو بيكم عبوديه
    رجع الشاب لابو البنيه وگله ابوي وافق رغم ماگلت ..هنا ابو البنت گله ياعمي انت ابن شيوخ واريدك تروح تگول لابوك احنه ناس نشتغل بالحياچه (وكانت هذه مهنه مذمومه عند العرب ومايتزوجون بنت الحايچ ) رجع الشاب وهو مهموم وسولف لابوه الحچي الي سمعه وهنا الاب هم ماراد يكسر بخاطر ابنه وكله روح يابني وكله بنتك مقبوله رغم الحچي الي كلته ..
    رجع الولد لابو البت وگله احنه موافقين ...هنا ابو البنت گله يابني انه اريد اصارحك احنه لابينه ملوحه ولااحنه حياچ لكن ياولدي انت الوحيد لابوك وابن شيوخ واحنه بينه صفه محد من العرب يحبها يعمي احنه عدنه گطع الاخو يگطع باخوه والابن مايبر بابوه وانا اخاف عليك وعلى ذريتك من هاي الصفه
    رجع الولد لابوه وسولف معاه وكله بالصفه الي عدهم
    هنا الاب گله ياولدي انا قبلت بالعبوديه وقبلت بالحياچه وهي صفات تقلل من قيمتنه عند العرب لكن الگطع وانا ابوك مااگدر اوافق وانت بكيفك اذا تريدها روح اخذها
    رد الابن گله لاوالله يابوي انا عندي انتم بالدنيا وامنيتي اشوف ابني يگودك من ايدك ويحن عليك وعليه
    رباط السالفه
    كل شي يتصلح بالدنيا لكن الگطع والحقد مايتصلح ومثل مايگولون
    الكطع مو زين





  • #2
    قصة فيها العبرة ..

    ومثل ما يگول ابو المثل : منين اجيب الفهم لموحان !!!

    مشكورة على الاختيار والذوق الجميل

    شرفا وهبه الخالق لي ان اكون خادما لابي الفضل



    تعليق


    • #3
      احسنتم النشر وجزاكم الله خيرا
      السلام على حامي الظعينه
      sigpic

      تعليق


      • #4
        تقديري لكم سيدي الكريم لكم مني جل التقدير والاحترام



        تعليق


        • #5
          تقديري لكم سيدي الكريم لكم مني جل التقدير والاحترام



          تعليق


          • #6

            تعليق

            المحتوى السابق تم حفظه تلقائيا. استعادة أو إلغاء.
            حفظ-تلقائي
            Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
            x
            إدراج: مصغرة صغير متوسط كبير الحجم الكامل إزالة  
            x
            يعمل...
            X