الكاظم عگب ابوه امعذّبينه

[انيس النفوس]

الكاظم عگب ابوه امعذّبينه

مدّه بالسجون امغيبينَه

شنهو اللي عمل ويّاه هارون
خلّه الكاظم ابچم سجن مسجون
ابطوامير الذي متشوفه العيون
او عليه تسئل الشيعة راح وينه

تالي صار عدهم خَبَر عَنّه
ابسجن هارون ريّسها المچنّه
گالوا عسى الباري ايعوده النه
او من يرجع اله ننصب الزينه

ضلّوا يرتجون ايعود ليهم
او لنه الطارش ايحشّم عليهم
ابجسر بغداد كاظمهم يجيهم
افرحوا گالوا عسى سالم يجينه

اطلعوا طلعه طبگ نسوه او رجاجيل
اولن هذه الجنازه اعلى الحماميل
ثلاث ارطال في رجله الزناجيل
الحديد اويه الجنازه شايلينه
* * *
ارتجت شيعته من علم الاگشر
او گالوا هذا ريسنه بن جعفر
اسليمان انتهض بيها او عليه طر
ابن عمّه يگول الحاملينه
* * *

هذا الطيّب المن صلبه طيبين
الجدّه المصطفى المختار ياسين
او بن حيدر علي والد السبطين
اومه فاطمه الزهره الحزينه
* * *

الشيعة انتهضت ابذمّة اسليمان
او شيّعت بالمعزّة عالي الشأن
بس جدّه البگه اعلى الترب عريان
امجرّد بالحوافر ساحگينه

[صدى المهدي]

احسنتم ويبارك الله بكم
شكرا لكم كثيرا
مأجورين

[انيس النفوس]

آجركم الله وشكرا لكم