إعـــــــلان

تقليص
لا يوجد إعلان حتى الآن.

قصيدتي((لقاء زينب))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدتي((لقاء زينب))

    السلام عليكم ورحمة الله وبركاته
    عظم الله تعالى اجورنا واجوركم بذكرى وفاة السيده زينب عليها السلام
    قصيدتي لهذه الذكرى الاليمه نسئل الله القبول

    الليله نكعد ننتظر
    جيتچ بفــارغ صَبر
    دموعنه سالت مزن ...بشوفتچ ياام المحَن

    ****************
    فاطمه تعنت تنــــــــــادي يمه يازينب تعاي
    عوفي دنيــــــــاچ الحزينه طبي للجنه وراي
    هذا ابـــــــوچ الليله ناطر ذوله خوانچ معاي
    ننتظر جيتچ ياحـــــــــره هودي يايمه بچاي
    اليـــــوم يلتم الشمل
    عنـــچ ايخف الحمل
    دموعنه سالت مزن ...بشوفتچ ياام المحن

    ***************************
    زينب تگلها اجيتچ يمه جـــــــــــايبني الحنين
    انه فرگـــــاكم عماني عمري بس خلص ونين
    ابحضنچ الليله منـــــــامي ارجع الذيچ السنين
    فراگچ اذاني يابضعه چـــــــان بس الله اليعين
    صاحت الحره بالم
    گلبي يـــايمه انثلم
    دموعنه سالت مزن ...بشوفتچ ياام المحن

    ***************************
    صاح حيـــــــــــدر يالعقيله ادري بعيونچ عتاب
    الدنيه راوتچ مصايب هـــــــــــذا من الله الگتاب
    الصابره تسميتي بويه من جرعتي اكبر مصاب
    خلصت الدنيه وشجنها بعد ميلوحچ عـــــــــذاب
    بويه مشتاگه الك
    بلهفه انه استقبلك
    دموعنه سالت مزن ...بشوفتچ ياام المحن

    *************************
    ها يخويــــــــه حسين گلها انتي بچيتي العيون
    فراكنه العذب دليــــــــــــلچ وصلچ حد المنون
    الليله ملتمين حولـــــــــچ انتي يم گلب الحنون
    الحسن كـــــــــــاعد يناطر يمته لحظانه تجون
    اه ياخوتي وهلي
    بيكم الهم ينجلي
    دموعنه سالت مزن ...بشوفتچ ياام المحن

    *************************
    وين عبـــــــاس ارد اشوفه ليه متعنيه اجيت
    الشوك ذابحني على شوفه اه يمه شگد بچيت
    گام عبــــــــــــاس بلهفته گلها ياخويه عميت
    مستحي منچ يازينب خــــــــاف لني ماوفيت
    ركضت عليــه بدمع
    تقبـــــله بعينه السبع
    دموعنه سالت مزن ...بشوفتچ ياام المحن

    ***********************
    خلصت ايـــــــام المئاسي وانتهى ذاك العناء
    انجمعنه الليــــــــــــــله كلنه الله شاهد عالقاء
    چنت وحدي بدنيه ظلمه اليوم يم اهل الوفاء
    مدلله مابين اخوتي حــــــــــامده رب العطاء
    نشفو دموع الحزن
    بعد مـــــابيه اون
    دموعنه سالت مزن...بشوفتچ ياام المحن

    *************************
    بقلم/شاهزنان

  • #2
    توجكم الباري بأكاليل من فيض نوره بمحمد وال محمد

    تعليق

    يعمل...
    X