تويت
المن هالجنازة اليوم فوك الجـــــسر مطروحه
يمكن ضنوة المرسول فاضت بالسجن روحه
ــــــــــــــــــــــــــــــــــــــــــــــــــ
من عادة الناس ان جــان لوعدهم عزيز يموت
تلتم اخوته واهله وكل جـــــــف يلزم التابوت
عليمن هالجنازة اليوم بذله وغرب جـــنها تفوت
سألنا هاي اوامرمن كـــالو إمرة الطـاغوت
بأمر أهل الظلم ينـعاف
ولعيون الخلـك ينشاف
ومنه الساك مجروحه فاضت بالســــجن روحه
ـــــــــــــــــــــــــــــــــــــــــــــــــ
شافو من ابو ابراهيم حكمه وعلم بـجـــــــــفوفه
مثل والده الصادق جـان صفاته بنور معـــروفه
خلـُّوه بســـجن مظلم وايد ورجل مـجـــــــــتوفه
يتعذب وارث القران وهوه اليكـــــــــتب حروفه
يخافون الوفي المعصوم وعدهم جند مصــــفوفه
يخافون الفضل والنور
ولنه بالـــكتب مذكور
وملايكة السمه تنوحه فاضت بالســــجن روحه
ـــــــــــــــــــــــــــــــــــــــــــــ
وينك يالرضا المعصـــــــــوم تفك الوالد وكيده
وتطيـــِّب هامة المســــموم وتفرحه بجيـَّة وليده
لاجـــــــــــــن من تفك الساك يبن الكاظم بهيده
تراهو بالسجن محزوز وعاين ركبــــــته وايده
هارون الظلم هاليــــوم لميَّه جرامــــــــها يعيده
مثل ميَّه ظلم وضرار
يذب ابن الزجـيه بدار
بقفل والباب مصفوحه فاضت بالسجن روحه
ـــــــــــــــــــــــــــــــــــــــــــــ
مثل جده الحسين يروح غريب مغرك بدمه
لاخوته ولهل بيته ولا تحظر بـــــــني عمه
بس اهل الرذيله وياه فوك الجســــد ملتمه
غريب وعَزت الانصار وما تحضر بعد يمه
حسين اللي نذبح مظلوم
والكاظم كــضة مسموم
ومنه الـجبد مذبوحه فاضت بالسجن روحه
ــــــــــــــــــــــــــــــــــــــــ
المن هالجنازة اليوم فوك الجـــــسر مطروحه
يمكن ضنوة المرسول فاضت بالسجن روحه
تعليق