إعـــــــلان

تقليص
لا يوجد إعلان حتى الآن.

تعرفون منو هي المرأة النادرة ؟!

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تعرفون منو هي المرأة النادرة ؟!

    تعرفون منو هي المرأة النادرة ؟!

    بيتها هوسه بس أولادها لعبوا هوااايه وفـرحوا
    اكلت هي وزوجهـا اكل بايت بس طبخـت اكل صحي ومفيد للاطفال
    تركت الغسـاله تنمـلي ملابـس بس الاولاد سبحوا ولبسوا هدوم نضيفة وريحتها حلوة
    المواعين باتت بالسنك من الـبارحه بس قـرت قصص لاولادها لإنها ما تعوفوهم يتفرجون ع التليفزيون او يلعبون بلي ستيشن و تخـاف عليهم منه ، لأن عرفت انه يسوي توحد و تخلف عقلي
    متـلحگ ترتب السرير...بس ماعافت ابنها يبچـي وحضنته هـووايه متصدگ اللي يگولولها اتركي هو يسكت من كيفهمالحگـت تكنس و تلمع كل البيت بس الاولاد بهاليـوم اتعلموا حاجات كُلش مفيدة في مجالات متعددة
    ما عدلت كل الهدوم بس أخدت نص ساعة بعد ما ناموا حتى تاخد دوش وتتفرج على مسلسل تحبه و هي تشـرب شي حار مع زوجها لان هي تعرف ان للزوج حاجات نفسية وفكرية مو فقط حاجات جسدية ومن جانب آخر حـتى تـگدر تكمل وتواصل
    لو صدفه اجه أحد وعيب عالهوسه گال شچنتي تسوين لعد ، گوليله چنت أصنع أنسان ، أبني بني ادم
    بني ادم سوي ، عاقل ماعنده عقد ولا أضطرابات ، أحاول استبدل ما هو ادنى بالذي هو خير ..
    شغل البيت ممكن يتأخر شويه ،
    والمواعين ماراح تگعد تبچي بالسنك
    ولا الكـنتور عنده مشاعر واحاسيس حتضـايقه اذا الملابس ماترتبت ،
    بس الاولاد عندهم مشاعر واحاسيس ،
    عندهم كيان لازم نساعدهم يبنوه بدل ما نبقى امهات بس بالاسم ونطلع جيل ينشأ من التوافه

    منقول مع بعض التعديلات من قبلي
عذراً, ليست لديك صلاحية لمشاهدة هذه الصفحة
يعمل...
X