الامام الحسين ينعي اخاه العباس (ع) / بقلمي

[عقيلة العباس]

يم النهر نايم يخوية وماذقت مايه
بدمك رويته يبو الشيمة وحامل الراية
عباس ياذخري
خوية انكسر ظهري
بيدك غرفت الماي لكن ماردت تشرب
كنك قصدت ان وصوله اعليك مايصعب
عباس ياذخري
خوية انكسر ظهري
ردت احملك عن حرة الرمضا يسردالي
او عييت ترجع يبو الغيرة للنسا خالي
عباس ياذخري
خوية انكسر ظهري
تقلي خليني بمطرحي لاتنكسر لنصار
من حالتي او تبقى يخوية بكربلا محتار
عباس ياذخري
خوية انكسر ظهري
خوية ولو حالك خفى حالي مهو خافي
حتى في طلوع الروح ماتنساني يالوافي
عباس ياذخري
خوية انكسر ظهري
لاتقطع الونة يخوية تزيد من كربي
فقدك يراعي المرجلة مايحمله قلبي
عباس ياذخري
خوية انكسر ظهري
انته سنادي والعمد وغيرك ملي حيلة
مصابك بهضني او خوفتي تضيع هالعيلة
عباس ياذخري
خوية انكسر ظهري
عقبي او عقبك منهو للحورى يحاميها
وعلى الرزايا من يصبرها ويسليها
عباس ياذخري
خوية انكسر ظهري
بعدك يبو فاضل ( يراعي الجود ) تتشمت بي العدوان
وابقى اقاسي وحدتي ومبارى هالنسوان
عباس ياذخري
خوية انكسر ظهري