نعي الامام الحسين لابنه علي الاكبر (ع) / بقلمي

[عقيلة العباس]

قصيدة في مقتل علي الاكبر ابن الحسين (ع)
( آه ياعلي لكبر )
.
.

المهر ساقه للقضا واحتاطته العسكر
بسيوف وارماح او نبل صارت عليه تفتر
آه ياعلي لكبر
ناداه ادركني يبوية قطعوني القوم
عجل الي باودعك ووصيك يامظلوم
آه ياعلي لكبر
من سمع لحسين الندا قلبه لصوبه طار
او بادر بميمونه او لن الجيش بابنه دار
آه ياعلي لكبر
اندفع مابين العدا او شتت كتايبهم
كالشمس بنواره التشع بدد سحايبهم
آه ياعلي لكبر
وانفجع قلبه من عاين حال مدلوله
ومن فوق ميمونه هوى واتمدد بطوله
آه ياعلي لكبر
شافه يجر النفس ويلي ماإله قوة
يقله يبوية اوصيك بالايتام والنسوة
آه ياعلي لكبر
من غابت انفاسه علي او غمض عيونه
احتضر لمصابه الولي وعاف العمر دونه
آه ياعلي لكبر
يبني عفت دنياي بعدك ياهنا عمري
مصاب البطل ومصيبتك يبني اكسرت ظهري
آه ياعلي لكبر
بالنسوة والايتام توصي ياضيا عيوني
ماتدري هي ساعة وهالعدوان ايذبحوني
آه ياعلي لكبر
وفيت يبني او سلمت روحك لباريها
او خليت ابوك ابمحنته ايقاسي تاليها
آه ياعلي لكبر
لملم اوصال ابردته اوشاله على ايدينه
توجه به الصوب الخيم واتلقته سكينة
آه ياعلي لكبر
صاحت رجع لكبر يعمة شوفي احواله
متخضب بدمه او منه امقطعة اوصاله
آه ياعلي لكبر
قلها الولي ومن الحزن محنية اضلاعه
ذخري البكا والنوح ياسكنة فهالساعة
آه ياعلي لكبر
بعدي تلفكم نايبات الدهر واهواله
ويطول حزنچ ليمسى واليچ برماله
آه ياعلي لكبر