تويت
م/ لوحة رحلة الطف
بسفر هودج اجه يلبي طواف الجود ...بين المشرعه وخيام.. والرضعان لاعت عطش بالصحره..
يم نهر الفرات هناك لوحة دم ...انرسمت من علي ومحرابه والطبره ..
ونقطه من البعد منظور ...التلاشي تصير عطشان وروه الاسلام دم نحره..
حسين الجسد الاسلام شوف احرار للتاريخ... وعميان الشرك تفتقد هالنظره ...
الرسائل مبدا المرسل يوضح نية الوادم ...وفاء لنصرة القارئ لو يتضح بيه غدره...
المسافه مزامط الشجعان برض الطف ...والخياله برزت كلها متوزره...
تخط دروب صوت الدم مناحر تخلد ابقطعه ...وقضيه البيها الف عبَره ..
الطفوف اتحجهه الف نية التعرف حسين درب الله... من اول الذر مكتوب جان بعظمة القدره..
نقش عالعرش اسمه انخط ...هدايه وجانت الضويات تحتاج لشمس عمره..
الكون الظلم يدور النور .. والعباس شوف الليل بالهندس يشع كمره..
الشجاعه رتبة الكاروك ..وكماط اليحطها بمتن كل فارس جزه اعله الزود من زغره..
وعبد الله الفخر قائد تنصب ضابط عله الطف... ومضغة شفته تشرح خطط بيهه الرمق فكره ..
الدللول الرباب انصت رضيع ونور البوجهه.. يشرح كم انشتاين ضوه للعالم ايفسره ...
النهج زينب فكر بيه عمق لليقراه ...يبين الصبر يستلهم الموقف منهه اليصبره..
ورقيه احرجت دافنشي وعضم فنه ...ورسمت لوحة التكوين من صلب الشرف نذره..
وزين العابدين الجان مركز حوله دار الدين... من حسين لاخر مهدي بالعتره...
براق ام البنين ايصير..عدهه بالوفاء من اصلاب وللمجد اسره..
ثبت من حيدر الكرار ..واثمر زود بالعباس واخوانه ... من ترب الاصلاب المنتهى السدره..
الخيام انطت شمس الله ضوه من نارهه الوجت... دليل وللفكر اثره ...
العطش ينزف قضيه فلسفة جفين.. واقلام السبايه اتخط ..خلود من الدرب حبره..
تفاعيل الشعر صرخات نسوه التنعه الاستشهد.. ومن العلكمي الاوزان بيهن يكتمل بحره..
الجود الفارس المجهول من مارد هزيمة ماي.. خلت بالنهر حسره..
الجفوف انكطعت من زنود... ثبتهن جبال اثنين ابو فاضل بهالبتره..
العين تشوفهه جيوش الكفر حراء.. والنشاب ابو سفيان يذنب جان بالحضره..
الشريعه مسرح الفرسان بيهه انكشفت الادوار... وجفوف الكفيل اركابهم تقره..
اللواء الشايله العباس كاشف لون.. من ينسل تبين وجوه شردت شاحبه وصفره..
اليحموم بالطف جن سفينة نوح.. وبفيض الدماء ايفوج.. وشراع السفينه حسين متصدره ..
هبل جان الفرات اذنوب والكعبه خيام حسين.. وعباس الفزع تهديم ويذل مايه والمجره ..
العطش غالي بسعر مبدا طلع من ثورة الجفين.. اليسقط بيهه عرش الماي وتهدم وسط نهره..
الموقف ثروة الصايغ اليرفض يشتري من الماي ..حسوه وراضع الدره ..
علي الاكبر جهنم يفتر اعله اعداه... ومن كطرات كصته اتناضحت جمره...
يكطع روسهم بيده ومثل هب ريح بالميدان.. لمن يمتطيهه وتصهل الشكره ...
الجيوش اكباله تتراجف ذليله بساحة الحومه ..وتركهه ابشيمته وعذره ..
والحر وزهير وجون ...اجابه لكل سؤال ايدور ذهنه بمركز البؤره ..
قضيه وكتبت التاريخ ...نصر الدم يشع والليل ظالم والنحر فجره...
يتربة كربلاء حسين ينبت بيج كل مبدا ..ومن ال النبي البذره..
السبايه اطفوف ممتده بنهج لحسين... طول السجه والمسره ..
عمق فكره بمسافة راي... تبدي بكربله والجود للشام الكثر بطره ...
العقيله تقود حمله اعلام ...من تخطب تذل طاغوت لمن صوتهه اتجهره..
عله كصة الزمن تاريخ خلت مؤتمر لحسين... وكل عاشور يحيي الدين بالذكره..
يا كعبة ضماير ليك اجت حجاج تتعناك لرض الطف.. ملايين البشر مذره...
التهوس شايله الرايات والتقره بمجالسهه... ومواكب تعتني الحضره..
وبيهه اليخدم ورادود ..والشاعر خجل ماليه عجز ما وصفك شعره..
انته وابو فاضل دين ...اشوفنكم نهج مكتوب ...كعبه وقبة الصخره..
الشاعر الدكتور امير الهلالي
بسفر هودج اجه يلبي طواف الجود ...بين المشرعه وخيام.. والرضعان لاعت عطش بالصحره..
يم نهر الفرات هناك لوحة دم ...انرسمت من علي ومحرابه والطبره ..
ونقطه من البعد منظور ...التلاشي تصير عطشان وروه الاسلام دم نحره..
حسين الجسد الاسلام شوف احرار للتاريخ... وعميان الشرك تفتقد هالنظره ...
الرسائل مبدا المرسل يوضح نية الوادم ...وفاء لنصرة القارئ لو يتضح بيه غدره...
المسافه مزامط الشجعان برض الطف ...والخياله برزت كلها متوزره...
تخط دروب صوت الدم مناحر تخلد ابقطعه ...وقضيه البيها الف عبَره ..
الطفوف اتحجهه الف نية التعرف حسين درب الله... من اول الذر مكتوب جان بعظمة القدره..
نقش عالعرش اسمه انخط ...هدايه وجانت الضويات تحتاج لشمس عمره..
الكون الظلم يدور النور .. والعباس شوف الليل بالهندس يشع كمره..
الشجاعه رتبة الكاروك ..وكماط اليحطها بمتن كل فارس جزه اعله الزود من زغره..
وعبد الله الفخر قائد تنصب ضابط عله الطف... ومضغة شفته تشرح خطط بيهه الرمق فكره ..
الدللول الرباب انصت رضيع ونور البوجهه.. يشرح كم انشتاين ضوه للعالم ايفسره ...
النهج زينب فكر بيه عمق لليقراه ...يبين الصبر يستلهم الموقف منهه اليصبره..
ورقيه احرجت دافنشي وعضم فنه ...ورسمت لوحة التكوين من صلب الشرف نذره..
وزين العابدين الجان مركز حوله دار الدين... من حسين لاخر مهدي بالعتره...
براق ام البنين ايصير..عدهه بالوفاء من اصلاب وللمجد اسره..
ثبت من حيدر الكرار ..واثمر زود بالعباس واخوانه ... من ترب الاصلاب المنتهى السدره..
الخيام انطت شمس الله ضوه من نارهه الوجت... دليل وللفكر اثره ...
العطش ينزف قضيه فلسفة جفين.. واقلام السبايه اتخط ..خلود من الدرب حبره..
تفاعيل الشعر صرخات نسوه التنعه الاستشهد.. ومن العلكمي الاوزان بيهن يكتمل بحره..
الجود الفارس المجهول من مارد هزيمة ماي.. خلت بالنهر حسره..
الجفوف انكطعت من زنود... ثبتهن جبال اثنين ابو فاضل بهالبتره..
العين تشوفهه جيوش الكفر حراء.. والنشاب ابو سفيان يذنب جان بالحضره..
الشريعه مسرح الفرسان بيهه انكشفت الادوار... وجفوف الكفيل اركابهم تقره..
اللواء الشايله العباس كاشف لون.. من ينسل تبين وجوه شردت شاحبه وصفره..
اليحموم بالطف جن سفينة نوح.. وبفيض الدماء ايفوج.. وشراع السفينه حسين متصدره ..
هبل جان الفرات اذنوب والكعبه خيام حسين.. وعباس الفزع تهديم ويذل مايه والمجره ..
العطش غالي بسعر مبدا طلع من ثورة الجفين.. اليسقط بيهه عرش الماي وتهدم وسط نهره..
الموقف ثروة الصايغ اليرفض يشتري من الماي ..حسوه وراضع الدره ..
علي الاكبر جهنم يفتر اعله اعداه... ومن كطرات كصته اتناضحت جمره...
يكطع روسهم بيده ومثل هب ريح بالميدان.. لمن يمتطيهه وتصهل الشكره ...
الجيوش اكباله تتراجف ذليله بساحة الحومه ..وتركهه ابشيمته وعذره ..
والحر وزهير وجون ...اجابه لكل سؤال ايدور ذهنه بمركز البؤره ..
قضيه وكتبت التاريخ ...نصر الدم يشع والليل ظالم والنحر فجره...
يتربة كربلاء حسين ينبت بيج كل مبدا ..ومن ال النبي البذره..
السبايه اطفوف ممتده بنهج لحسين... طول السجه والمسره ..
عمق فكره بمسافة راي... تبدي بكربله والجود للشام الكثر بطره ...
العقيله تقود حمله اعلام ...من تخطب تذل طاغوت لمن صوتهه اتجهره..
عله كصة الزمن تاريخ خلت مؤتمر لحسين... وكل عاشور يحيي الدين بالذكره..
يا كعبة ضماير ليك اجت حجاج تتعناك لرض الطف.. ملايين البشر مذره...
التهوس شايله الرايات والتقره بمجالسهه... ومواكب تعتني الحضره..
وبيهه اليخدم ورادود ..والشاعر خجل ماليه عجز ما وصفك شعره..
انته وابو فاضل دين ...اشوفنكم نهج مكتوب ...كعبه وقبة الصخره..
الشاعر الدكتور امير الهلالي