تويت
إلمن شايلين الروس لياطاغي تودوها
روس آل النبي المختار جنكم ماعرفتوها
*****
تلوح الروس بالميدان ويلاعبها ذراري الريح
يوج منها الوفه والنور وبصوت الكرامة تصيح
خلَّت دولة ابن زياد من صوت اليتامه تطيح
تطيح من الظلم والعار
وبالآخرة بحر النار
عبر وامثال شوفوها لياطاغي تودوها
*****
مشو بالروس للعدوان وغايتهم دراهمها
تسير بإمرة الدينار همج والمال يحكمها
لا ترجه الهدى والنور ولا الرحمن يرحمها
لاتعرف شنو التكبير
ولأجل الكراسي تغير
وعزتهم يبيعوها لياطاغي يودوها
*****
إجتي وكل عشيرة تريد بروس ال النبي قربه
تتقرب لامير الشام بجتل حسين وبحربه
حسين لعاش لجل الدين وعاهد جده وربه
عاهد عالفضيله يسير
ويتحمل أذى شميصير
ولهامته يفضخوها لياطاغي يودوها
******
ماكفه ولد سفيان چتل حسين وعياله
ﮔصو روسهم بالحال وشمرهم حضَّر حباله
يبيعون الشرف والدين لعين يزيد ولجاله
تولو ماكر وشيطان
وال المصطفه عدوان
والعيلته يسلبوها لياطاغي يودوها
*****
وين العدل والقران واياته النزل بيها
عمت عين اللي كلمن راد يحرفها ويغطيها
جد العتره هوه الراد للامه ينجيها
ينجيها وترد تطيح
يعلمها علَ درب صحيح
ورادتهم يحرفوها لياطاغي يودوها
******
عمت عيني ولشوف حسين راسه على الرمح دامي
ماكفاهم يذبحوه ويموت علَ الثره ضامي
يـﮔول اني لاحاربكم عليش النار بخيامي
يريدون الخيم والدار
وروس ال الوفه الاخيار
وروس آلك يريدوها لياطاغي يودوها
****
مو روس علَ رمح يزيد تـﮔول أقمار منصوبه
تزرع بالظلام النور وتعبد للهدى دروبه
أسماء المشو لحسين بلوح العرش مكتوبه
مكتوبه تضحي رﮔـاب
وجسمها من الطبر ينعاب
وبسلسله يـﮔودوها لياطاغي يودوها
*****
الشيخ خليل الزبيدي
2000م
روس آل النبي المختار جنكم ماعرفتوها
*****
تلوح الروس بالميدان ويلاعبها ذراري الريح
يوج منها الوفه والنور وبصوت الكرامة تصيح
خلَّت دولة ابن زياد من صوت اليتامه تطيح
تطيح من الظلم والعار
وبالآخرة بحر النار
عبر وامثال شوفوها لياطاغي تودوها
*****
مشو بالروس للعدوان وغايتهم دراهمها
تسير بإمرة الدينار همج والمال يحكمها
لا ترجه الهدى والنور ولا الرحمن يرحمها
لاتعرف شنو التكبير
ولأجل الكراسي تغير
وعزتهم يبيعوها لياطاغي يودوها
*****
إجتي وكل عشيرة تريد بروس ال النبي قربه
تتقرب لامير الشام بجتل حسين وبحربه
حسين لعاش لجل الدين وعاهد جده وربه
عاهد عالفضيله يسير
ويتحمل أذى شميصير
ولهامته يفضخوها لياطاغي يودوها
******
ماكفه ولد سفيان چتل حسين وعياله
ﮔصو روسهم بالحال وشمرهم حضَّر حباله
يبيعون الشرف والدين لعين يزيد ولجاله
تولو ماكر وشيطان
وال المصطفه عدوان
والعيلته يسلبوها لياطاغي يودوها
*****
وين العدل والقران واياته النزل بيها
عمت عين اللي كلمن راد يحرفها ويغطيها
جد العتره هوه الراد للامه ينجيها
ينجيها وترد تطيح
يعلمها علَ درب صحيح
ورادتهم يحرفوها لياطاغي يودوها
******
عمت عيني ولشوف حسين راسه على الرمح دامي
ماكفاهم يذبحوه ويموت علَ الثره ضامي
يـﮔول اني لاحاربكم عليش النار بخيامي
يريدون الخيم والدار
وروس ال الوفه الاخيار
وروس آلك يريدوها لياطاغي يودوها
****
مو روس علَ رمح يزيد تـﮔول أقمار منصوبه
تزرع بالظلام النور وتعبد للهدى دروبه
أسماء المشو لحسين بلوح العرش مكتوبه
مكتوبه تضحي رﮔـاب
وجسمها من الطبر ينعاب
وبسلسله يـﮔودوها لياطاغي يودوها
*****
الشيخ خليل الزبيدي
2000م