أني والمرايا

[باسم الربيعي]

شافني
تلمّس ضواي
صعدن براسي السنين
بيض
وينثّن حنين
وآنه جاهل
جاهل ، وچنّي انبگت
انته ياهو ؟
_ آني انته
انته آني ؟!!
ودنّگت .....
شلت راسي
شفته ، وتلمّسته
خطواته مطر
والليل طين ....
تلفتّت ،
وينك ؟
سكوت .......
وآنه وحدي ،
سنطه ، أيام الفرح ، والظيم ، والحربين ، والخمسين ، والهم ، والتراچي ، وهور ناشف ، وانتظارات ، وعرس يبچي ، ومواويل ، او وتر مگطوع ، وهموم ، وگراجات ، وجهال ، وجوع ، وولايات ، ودموع ، وشمع ، ومرايه ،
وانه بروحي حنين ...
يالمراية ،
البيچ هذا ، شگد حزين..

راقت لي فأحببت ان تشاركوني بها..

[الأزري]

يالمراية ،
البيچ هذا ، شگد حزين..
أبعد الله عنك مكدرات الليالي
والايام
بمحمد وال محمد