إعـــــــلان

تقليص
لا يوجد إعلان حتى الآن.

قصة حقيقة اعجبتني

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصة حقيقة اعجبتني

    السلام عليكم ورحمة الله وبركاته
    اللهم صل على محمد وال محمد
    *********************
    يقول احد الكتاب : حجي غازي يبيع لبن بالنعناع جدا طيب.. و معروف بالسوك عنده عربانه يفتر بيهه يبيع الكلاص بربع جنت بالبدايه كل ماشوفه اكول خطيه خل انفعه و اشتري منه .اشرب كلاص وره الثاني و ما اشبع جان كلش طيب يسوي و جان يردد كلمه..((عبالك لبن ))
    اني اكله لعد هو شنو يجاوبني اي غير هو لبن و يتبعه بضحكه خفيفه ..
    غازي جان نظره ضعيف كلش بصعوبه حتى يخلي الكلاصات بمكانهه..جنت متعاطف ويه حالته هوايه لان رغم مرضه و عمره هو يشتغل ..بس جنت احس وراه قصه طويله ..بيوم جنت كلش ضايج و فلوس ماعندي و شغل ماكو جانت سالفة الشغل مسويتلي قلق فضيع لان حالتي مو هلكد و ابويه ما يلحك على خواتيوو اخواني الصغار جنت كلش عصبي و اتعارك وي الدنيا ..
    بيوم اجيت اشتري منه شفته يضحك على بساطته و عايش حياته شافني معبس و ضايج كلي ابني تخلص ما تبقه هيج متسوه تضوج و كملهه بضحكته المعهوده..شفت بنظراته كميه كلش جبيره من الامل برجال عمره يتجاوز 70 سنه..
    مرت ايام و اشهر غازي عينه تضعف اكثر و اكثر و الناس كامت تحجي عليه لان مو مثل اللبن مال قبل ..حاولت كم مره اسأله حجي ليش ما ترتاح بالبيت ..يكلي عمي الدنيا صعبه ..حجي ماعندك ولد ؟ ..يجاوب ااااخ من ولدي ااااخ..حسيت بحسراته قصه ممكن تصير فلم بالسينما..
    المهم اختفى حجي غازي فتره 6 اشهر هو ماكو سالت عليه بالسوك يكولون ماكو ما فايت صار فتره
    رحت للكراج الي يبيت بي العربانه لكيت العربانه ماكلهه التراب من فتره..
    ضليت حاير منين اجيب اخباره متلهف عبالك شخص غالي عليه ..و بنفس الوقت جنت هستوني مرتبط بشغل و داحاول اجلب حتى اعيش ..
    بيوم شفت غازي بس بدون عربانه و لا لبن شفته اعمى و لابس نظاره سوده و عكازه و يجدي من الناس
    حجي شنو السالفه شبيك ..والله ياابني عمري خلص و الله مدياخذ امانته و يخلصني..حجي كول غيرهه انشا الله عمرك طويل ..الله كريم يابني و الدمعه بعينه ..راح من يمي و حتى استحيت انطي فلوس ماعرف ليش ..وره اسبوع اتعلكت قطعه سوده ..انتقل الى رحمة الله حجي غازي
    والد كل من الشهيد محمد و. الشهيد حيدر و الشهيد يوسف و الشهيد كريم ..
    تفاجئت عنده 4 ولد و همه الاربعه مستشهدين بايام الطائفية موكفيهم ارهابين و قاتليهم الاربعه سوه..
    انصدمت صدمه كلش كبيرة ..
    بعد ما سالت اكثر تبين غازي جان يعيش 3 عوائل من عربانة اللبن ! ..لان 3 من اولاده متزوجين و ادهم اطفال
    عنده اربعه شهداء و يضحك
    براسه 3 عوائل و يضحك
    حيل احتقرت نفسي لان جنت اضوج و اصير عصبي لأن ماعندي شغل وواني بعدني شاب بمقتبل عمري
    و اشوف انسان بعمر جدي يشتغل و يضحك و مبتسم و كله أمل
    الحياة عمرها ماوكفت على شغل لو على انسان
    مو لازم تيأس من اول صدمه بحياتك لازم تستمر
    و تحاول و توكع و تحاول و توكع و تحاول و اكيد حاتضل واكف بيوم من الايام .
    منقولة.

  • #2
    السلام عليكم ورحمة آلله وبركاته
    اللهم صل على محمد وال محمد
    احسنتم اخيتي الفاضلة على هذه القصة المعبرة على الرغم من انها اكثر مئساوية وعلينا ان لا نيئس من الحياة فالله هو المدبر لكل شيء
    يامدبري ولست ادري وفقك الله لكل خير بحق قائم ال محمد وفي سجل حسناتكم

    تعليق


    • #3

      قصة مؤثرة للغاية
      شكرا جزيلا لك أختي
      جزاك الله خيرا

      تعليق


      • #4
        تحية لكم اختي الغالية ام جعفر



        تعليق


        • #5
          تقديري لكم اختي العزيزة الروح الحزينة



          تعليق

          المحتوى السابق تم حفظه تلقائيا. استعادة أو إلغاء.
          حفظ-تلقائي
          Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
          x
          يعمل...
          X