بسم الله الرحمن الرحيم والصلاة والسلام على اشرف الخلق اجمعين محمد واله الطيبين الطاهرين
هذه الأبيات لشاعر الشهيد الشاب حسن الركابي
دير صدري عليك الليل~~~مانام
سهرانه على فركاك~~~ مانام
أفكر بيك يبني الليل~~~ مانام
ابلحظه رحت من بين إديه
اشلون أرتاح يبني عكب ~~~ بعدك
احسك باالكلب مارحت~~~ بعدك
تضل ساكن ابلب احشاي ~~~بعدك
افراكك صار إلي هم واذيه
انادي اعليك طول الليل ~~~يبني
بعد المن انادي ابصوت ~~~يبني
انهدم حيلي بعد فركاك ~~~يبني
شيكضي الليل وأنت مو بديه
ربي أنت أعلم ابهل الحال ~~~واتعين
ترحم من صبر عل الضيم ~~~ واتعين
تشيل الضلم من العبد ~~~ واتعين
أريدك للكبر عونه إليه
كلها امن الفكر بالليل ~~~ جازت
ومن نوح الكوت للبجي ~~~جازت
من مثلي أعلى ابنه اليوم ~~~جازت
وتريد اليوم من يحمل وليه
من مثلي إسهام افراك ~~~صدت
أعلى عبدالله جروح الصدر~~~صدت
ياام أعلى أبنها اليوم ~~~ صدت
اصد إسهام وإنه الضيم بيه
سرت وآلله ابضعن ما شفت ~~~مثله
دين الله وكتاب الجره ~~~ مثله
كلت ناس ماكو حسين ~~~مثله
يشيل اجروح من ضلم البريه
تعليق