تويت
.
مقلوبة الباذنجان 🍆🍗.
حبتين باذنجان كبيرة الحجم مقطعه شرائح طوليه خفيفه ومقليه اومشويه بالفرن مع دهنها بشوية زيت زيتون من الجهتين .
ثلاث صدور دجاج اونص كيلو لحم هبره بدون عظم مقطعه مكعبات متوسطه _ ثلاث كاسات رز مغسول ومنقوع _ بصله كبيره مفرومه _ نص قالب صغير ابو مية جرام زبده _ قرنين فلفل حار _ عودين متوسطه قرفه _ ورقتين غار _ علبة طماطم مقشره مطحونه مع ثلاث فصوص ثوم _ ملعقة طماطم صلصة طماطم _ جزرتين كبيره مقطعه مكعبات متوسطه _ نص حبة فلفل رومي احمر واصفر واخضر مقطعه مربعات متوسطه _ كاسين زهره مقطعه قطع متوسطه _ ملعقه صغيره ورشستر صوص _ ملعقه صغيره عسل _ ملعقه صغيره لكل من كمون وفلفل اسود وكزبره ناشفه ونص ملعقه صغيره لكل من كاري وكركم _ ملعقتين صغيره ملح _ نص كاس كزبره مفرومه.
الــطــريــقــه:
ذوبي الزبده في قدر متوسط وضيفي لها ملعقة زيت زيتون وضيفي البصل والقرفه وورق الغار وقلبي لما يذبل البصل وضيفي الدجاج اواللحم وقلبي وضيفي البهارات وضيفي الطماطم المقشره المطحونه و الصلصه وقلبي اتركيها لدقيقتين وضيفي كميه من الماء تغطي الدجاج اواللحم وكافيه لاستواء الرز.
شوحي الخضار مع بعض في قليل من زيت الزيتون لماتتحمر شوي وضعيها فوق الدجاج اواللحم وضيفي الورشستر والعسل واتركيها على نار اقل من متوسطه لما يستوي الدجاج اواللحم وتخلصي من القرفه وورق الغار وضيفي له الرز والكزبره المفرومه واتركيه لمايستوي.
رصي شرائح الباذنجان على جوانب قالب التشيز كيك القابل للفتح ويكون نص كل شريحه داخل القالب والنص الاخر خارج القالب وافرشي بقاعدته شرايح من البادنجان وضعي الرز واضغطي عليه قليلا عشان يمسك وغطي سطحه بشرايح من الباذنجان وقفلي عليه بشرايح الباذنجان الي على الجوانب وغطيه بورق المونيوم ودخليه فرن حار من ربع الى ثلث ساعه على حرارة ميتين مئوي وطلعيه وفكي القالب وزينيه
انا شوحت البادنجان ماقليته عشان كذا لونه فاتح.
😍😍😋😋👌
الملفات المرفقة