إعـــــــلان

تقليص
لا يوجد إعلان حتى الآن.

هایناگه... للشاعر حيدر تركي الكربلائي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هایناگه... للشاعر حيدر تركي الكربلائي


    هايناگه .. خاف يعثر جدمچ وزينب تطيح
    هايناگه .. والكفلـها عــالـنهر مرمـي ذبــيح
    مــن تطيـح شلون بـيها
    وبالحبل مشدوده اديها
    هايناگه
    ----------------------------------
    على هونچ . هـاينـاگه صـوت زينـب لاتسـمـعين
    على هونچ . خاف ونهــا من تسمعـينه تعـثـرين
    على هونچ . مــن يركــبها الاهل عنهـا بعــيدين
    على هونچ . الخاطر الله صبري روحچ لاتونين

    ها يناگه .. بعد مايحمل ظرب والله المتن
    هايناگه .. وهـيه كـل لحظه لكافلـها تحن
    اشگد تصيح ومايجيها
    وبالحبل مشدوده اديها
    ----------------------------------
    من تسيرين . على كيفچ هايـناگه الخاطر الله
    من تسيرين . على ظهرچ تره خدر الدنيه كله
    من تسيرين . اخفـي دمــع اعيونها لمـن تهـله
    من تسيرين . حتى مايظهر على مظهرها ذله

    هايناگه .. تره مامتعوده تمشي ابلا كفيل
    ها يناگه .. شلون بيها والسبي دربه طويل
    صعبه تمـشي ابلا وليها
    وبالحبل مشدوده اديها
    هايناگه
    -----------------------------------
    ابلايه محمل . اتـواري بين النوگ لايدنون يمـها
    ابلايه محمل . انحرگ محملها لمن حرگو خيمها
    ابلايه محمل . من يشوفوها يصيحون ابأسمها
    ابلايه محمل . تـره والله تنفـجع ويـزيد هــمها

    هايناگه .. صعبه تمشي زينب ابلايه ولي
    هايناگه .. تره هاي اتصير زينـب بت علي
    الــنـاس لاتنــظر عليــها
    وبالحبل مشدوده اديها
    هايناگه
    -------------------------------
    لاتسرعين . ثگــلـي خطواتـچ وصــيـري بالنهــايه
    لاتسرعين . حتـى زيــنب عيــنها اتــباري السبـايه
    لاتسرعين . الگـيد حــز اچفوفها وتجــري دمــايه
    لاتسرعين . ابتعدي ياهالناگه عن روس الضحايه

    هايناگه .. دمــع عيــناها يصب لمـــن تــــشوف
    هايناگه .. شلون تمسح خدها مربوطه الچفوف
    صعــبه لو شـافت وليها
    وبالحبل مشدوده اديها
    هايناكه
    -----------------------------
    لاتميلين . والله لو طاحت تطيــح الدنيه كلها
    لاتميلين . تــره هــاي الگاع ماتحــمل حملــها
    لاتميلين . مــن يركبها وعلى الشاطـي الكفلها
    لاتميلين . ياهــو التحشمه ضـحايه كـل اهلها

    هايناگه . صعبه لوصاحت يبو فاضل تعال
    هايناگه . والكفلـها ابكــربله فوگ الـــرمال
    وال امــيه امحــاوطيها
    وبالحبل مشدوده اديها
    هايناگه
    --------------------------------
    تمت والحمد لله في ٢٩ / ١٠/ ٢٠١٥
    حيدر تركي الكربلائي













  • #2
    أحسنتم وبارك الله بكم

    تعليق


    • #3
      قصيدة رائعة
      أحسنتم

      تعليق


      • #4
        المشاركة الأصلية بواسطة الأزري مشاهدة المشاركة
        أحسنتم وبارك الله بكم
        أحسن الله لكم أعمالكم

        شكراً لمروركم العطر

        على طيات موضوعي المتواضع




        تعليق


        • #5
          المشاركة الأصلية بواسطة ابو امنة مشاهدة المشاركة
          قصيدة رائعة
          أحسنتم

          أخي أبو أمنه

          مرورك هو الأروع بحد ذاته وفقك الله تعالى




          تعليق

          يعمل...
          X