إعـــــــلان

تقليص
لا يوجد إعلان حتى الآن.

خوية لا ماتنوصف مأساتنه ... للشاعر حيدر تركي الكربلائي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عاشق رقية عليها السلام
    رد
    المشاركة الأصلية بواسطة الأزري مشاهدة المشاركة
    أحسنتم وبارك الله بكم
    أحسن الله صالح أعمالك الحسنة

    اترك تعليق:


  • الأزري
    رد
    أحسنتم وبارك الله بكم

    اترك تعليق:


  • خوية لا ماتنوصف مأساتنه ... للشاعر حيدر تركي الكربلائي


    خـويه لا مـا تنـوصف مـأساتـنه
    رِگْـدت امـن الشمس بـوشيّاتـنه
    رغـم كل هـذا المصاب
    مـا وگـع منـّه الحجاب
    خويه خويه

    ------------------------------

    ابكــربلــه يحــسين آخـــر ذكــرياتي
    النار من شبّت شـفت شَردت خواتي
    يالأخو احتاريت ويـن اجمـع شَتاتي
    والله سـوّيت الهـن الخـيمه ابـعباتي

    هــا يَنار الــناس لَيشوفوني
    اعليـنه بــرداً وسـلاماً كوني
    ضُمّي روحچ بالتراب
    ما وگع مـنّه الحجاب
    خويه خويه

    ------------------------------

    الــذي الـبـوشـيّـه منــها امســلّبـــيها
    واجب اتغـطّي الوجه بثـنيـن ايديها
    الرايْده تبــچي وتـون تخفي بچـيها
    حـتّه هـاي النــاس ما تنـــظر عَـليها

    الخــدر نفسه يستحي خلّيته
    الهوه خيّــطته عِبـي وسوّيته
    حتّه ما تسمع عِـتاب
    ما وگع منّه الحجاب
    خويه خويه

    ------------------------------

    الحادي طَبنه السوگ وبنصّ الـشماته
    وصــاح مـن يعرف العبّاس وصــفاته
    بــعـد لـــحّد يحــلف اوداعـــة حـياته
    أبـــو راس الـحــار أسّــــرنـه خـــواته

    الـضعـن كـلّه ابـعفّتي لفّــيته
    وسوگهـم يــابا الفضل ذلّيته
    ابكلمه وحده مو خطاب
    مــا وگــع منــّه الحجاب
    خويه خويه

    ------------------------------

    الــهـوه حلّفـته ابضـلِع امّي الزچـيّه
    مـا يحـــرّك كُــون بــوشــّية ســبـيّه
    خاف منـها اتطيح خـويه عالوطـيّه
    بالله ياهـو ايجـيبها ومـربوطه اديّه

    صـرِت أدفـع بالـهـوه واتـوسّل
    لا تهـب أرجـــوك والله اتبهذل
    الهوه راوانـي العـذاب
    وما وگع منّه الحجاب
    خويه خويه

    ------------------------------

    مرنه موقف يالاخو هـَون مصابك
    بالسبي شفْـنه الشــمر لابس ثِيابك
    اتـعـمد ورايــد يحـَسـسنه ابغيابك
    ظنه نعـتب احـنه ونـزيـد ابعـتابك

    اتقصِّدوا هالـفعـل ايفِــعلونه
    الستر رادوا يالأخو ايهِتكونه
    وچان معـروف الجواب
    ما وگــع منــّه الحـجاب
    خويه خويه

    ------------------------------

    هالســبي يالاخـوه ماتـخـلـص مـأسيه
    بي مواقف صعبه بـس ياموقف ارويه
    الرمه عــينك بالســهم للضـعـن يحديْه
    خويه كل ساعه السهم لختــك يراويْه

    والله طول الدرب شاله ابإيده
    أظن گلبي ايطيح چان ايريده
    گلبي يابو الغيره ذاب
    ما وگع منّــه الحجاب
    خويه خويه
    ------------------------------
    تمّت والحمد لله في
    2016/6/10
    حيدر تركي الكربلائي
يعمل...
X