تويت
خدمتك اية وحبنه قربان
حبك انباهل بيه الاكوان
*****
خدمتك اية واصلها بنص الاكتاب
هل اتى والقربة تشهد بيها الاصحاب
شرعت هالخدمة بسمك للشرف باب
وياشرف نال اليخدمك يبن الاطياب
خادمك ينعد بينه سلطان
حبك انباهل بيه الاكوان
*****
بسمك الينصب عزيه هامه مرفوع
واليدك صدره بمصابك صوته مسموع
نبل ويثار المواكب يملي الاربوع
عيب باب الخدمة ينسد وزاير يجوع
سفرة الخادم تنمد الوان
حبك انباهل بيه الاكوان
*****
اليمشي بين احبابه واهله شيطلب ينول
حاضر كل غالي يرخص عونه شيكول
شما كبر حجم المسافه والمشي يطول
بلهفة الخدام تعبه الزاير يزول
بسمك اتسمت بعمر الازمان
حبك انباهل بيه الاكوان
*****
زحف نتعنه اربعينك نملي الدروب
وبدمانه انخط شعارك اغله محبوب
نموت نتذرة بمحبتك نفنه ونذوب
نتوب ونرد عن محبتك حاشه منذوب
ويه كل خطوة انطينه برهان
حبك انباهل بيه الاكوان
*****
فجروا ذبحوا تمادوا كطعوا جفوف
صرار زاد الزاير وهم جدمه ملهوف
حالف يطب الضريحك محرم يطوف
واليشيل الراية بسمك زوده معروف
تبقى هالراية النه عنوان
حبك انباهل بيه الاكوان
؟****
كالوا انذل صحنه بسمك واحسيناه
صاحوا نكل صحنه حبك مانسيناه
زرعوا الخوف اعله دربك دم نثرناه
بغيرة الحشد المقدس عتنيناه
للحشد بسمك صيحة وأذان
حبك انباهل بيه الاكوان
*****
من عزم سبعينك امتد عزم الارجال
بسيرت الطف والملاحم نجبت ابطال
شفنه ابن ضاهر تصدر بمرهفه وصال
وبعشك جون وبرير انضربت امثال
حافل المشهد بنور الايمان
حبك انباهل بيه الاكوان
*****
الحمد لله
ابوحسن المياحي
حبك انباهل بيه الاكوان
*****
خدمتك اية واصلها بنص الاكتاب
هل اتى والقربة تشهد بيها الاصحاب
شرعت هالخدمة بسمك للشرف باب
وياشرف نال اليخدمك يبن الاطياب
خادمك ينعد بينه سلطان
حبك انباهل بيه الاكوان
*****
بسمك الينصب عزيه هامه مرفوع
واليدك صدره بمصابك صوته مسموع
نبل ويثار المواكب يملي الاربوع
عيب باب الخدمة ينسد وزاير يجوع
سفرة الخادم تنمد الوان
حبك انباهل بيه الاكوان
*****
اليمشي بين احبابه واهله شيطلب ينول
حاضر كل غالي يرخص عونه شيكول
شما كبر حجم المسافه والمشي يطول
بلهفة الخدام تعبه الزاير يزول
بسمك اتسمت بعمر الازمان
حبك انباهل بيه الاكوان
*****
زحف نتعنه اربعينك نملي الدروب
وبدمانه انخط شعارك اغله محبوب
نموت نتذرة بمحبتك نفنه ونذوب
نتوب ونرد عن محبتك حاشه منذوب
ويه كل خطوة انطينه برهان
حبك انباهل بيه الاكوان
*****
فجروا ذبحوا تمادوا كطعوا جفوف
صرار زاد الزاير وهم جدمه ملهوف
حالف يطب الضريحك محرم يطوف
واليشيل الراية بسمك زوده معروف
تبقى هالراية النه عنوان
حبك انباهل بيه الاكوان
؟****
كالوا انذل صحنه بسمك واحسيناه
صاحوا نكل صحنه حبك مانسيناه
زرعوا الخوف اعله دربك دم نثرناه
بغيرة الحشد المقدس عتنيناه
للحشد بسمك صيحة وأذان
حبك انباهل بيه الاكوان
*****
من عزم سبعينك امتد عزم الارجال
بسيرت الطف والملاحم نجبت ابطال
شفنه ابن ضاهر تصدر بمرهفه وصال
وبعشك جون وبرير انضربت امثال
حافل المشهد بنور الايمان
حبك انباهل بيه الاكوان
*****
الحمد لله
ابوحسن المياحي
تعليق