تويت
ميني كرواسون
المكونات:
٤ ٢/١ أربعة أكواب ونص دقيق
١ ٣/١ كوب وثلث حليب دافيء
٣/١ ثلث كوب ماء دافي
٣/١ ثلث كوب سكر
١ حبة بيض
٧٥ جرام زبدة لينة( يعني اصبع إلا ربع )بدرجة حرارة الغرفة
٢ ملعقة كبيرة زيت
٢ ملعقة صغيرة خميرة
١ ملعقة صغيرة ملح
٢/١ ملعقة صغيرة فانيلا
🍓الطريقة :
نحط الخميرة على الماء ونضيف نص ملعقة صغيرة من السكر نخليه ٥ دقائق يعني إلين تطلع رغوة للخميرة ( عشان نتأكد إن الخميرة صالحة ) ، ثم نضيف الحليب والسكر والبيض والفانيلا والملح ونخلط المكونات ، نضيف كوبين من الدقيق ونخلط إلين يصير الخليط ناااعم نضيف الزبدة على دفعات نحط مقدار ملعقة ونخلط ثم مقدار ملعقة ثانية وهكذا إلين تنتهي كمية الزبدة وتمتزج تمام مع الخليط ثم نضيف الزيت ونحرك ، الحين نحط كوبين دقيق ونعجن ( بالبداية العجينة ماراح تكون متماسكة مره وراح تلصق بس لما نزيد في وقت العجن تتماسك ( إذا العجينة ماتماسكت نضيف النص كوب الباقي من الدقيق مانضيفه كامل نضيف على ملعقة كبيرة بالتدريج إلين تتماسك العجينة ، انتبهوا تضيفون دقيق إلين تصير العجينة قاسية ، لا العجين لازم تكون لينة وتلصق شوي ) .. نعجن بالعجانة لمدة ٥ دقائق وإذا بنعجن باليد بتأخذ وقت أكبر ، نحطها بصحن مدهون زيت نغطيها ونتركها تخمر ساعة أو إلين يتضاعف حجمها .. وبعدين نبدأ شغل ، لو كنا بنسوي كورسان جبن
نقسم العجين إلى ٣ أقسام نأخذ قسم ونفرده دائرة متساوية ، الدائرة نقسمها ل أربع أرباع وكل ربع نقسمه إلى ٣ وبكل طرف نحط الجبن ثم نلفه رول ( زي الشكل المعروف للكورسان ) نحط الكورسان في صينية ونخلي بين الحبات مسافة نغطي الكورسان ونخليها ترجع ترتاح وترتفع ٣٠ دقيقة ( الخطوة هذي مهمة ) قبل ماندخلها الفرن بربع ساعة نشغل الفرن من فوق وتحت مع المروحة على حرارة ١٨٠ ( وسط ) .. ثم ندخلها الفرن لمدة تقريباً ١٥ دقيقة أو إلين تتحمر ، أول ماتطلع من الفرن نمسحها بزبدة ونغطيها بقصدير