تويت
بمناسبة استشهاد الامام الكاظم عليه السلام
--------------------
بهاي المسيه .. يالرافضيه
مأتمنه منصوب .. بالكاظميه
. . . . . . . . . . . . . . .
الليله ياشيعه الحزن عم الوطيه
واجب اعلينه وفرض منصب عزيه
انواسي گلب المرتضى وگلب الزجيه
اليوم فكدوا شبل بأرض الكاظميه
يالله يشبان .. نشيع له جثمان
وننصبله كل يوم .. موكب للاحزان
. . . . . . . . . . . . . . . . . . . . .
بموكب الاحزان كون انواسي جده
بالگلب مو بالأرض محفور لحده
كون فوك ارموشنه نوسدله خده
ونمسح آثار الحديد الفوك زنده
الحارس يگيده .. ويسمله جبده
وبأمره هارون .. طاغي وتعده
. . . . . . . . . . . . . . . .
صدّر الملعون هارون بخطابه
حطوا موسى بالسجن رايد عذابه
والله ياشيعه السجن واضحه أسبابه
رادوا يبعدون أنصاره وصحابه
عمره يتمه .. ابزنزانه ظلمه
صابر على الصار .. وبصبره حكمه
. . . . . . . . . . . . . . . .
الكاظم ابزهرة شبابه جان محبوس
صابر ومن صبره لازم ناخذ ادروس
اليوم شبان العقيده اتضحي النفوس
للجهاد امتثلوا و خلوا على الروس
أمر القياده .. نطيعه بإرادة
والكاظم اليوم .. رمز الشهاده
. . . . . . . . . . . . . . . . . . .
اليوم باسم الكاظم ايرفعون رايه
بيد ولد المرجعيه وبيها غايه
الغايه يعني ما نهاب امن المنايا
من بداية الحشد حتى النهايه
هذا عهدنه .. ومرفوعه يدنه
يارب يقهار .. انصر حشدنه
. . . . . . . . . . . . . . . . . .
كل شهيد العاده ربعه يغسلونه
وأهله يتكفلون بي ويشيعونه
ليش فوك الجسر موسى يتركونه
ولا حضر له واحد واغمض عيونه
والنادي كبّر .. هذا ابن جعفر
بالسم يشيعه .. جبده تفطر
. . . . . . . . . . . . . . .
هذا منظر عالجسر جثه رميه
نفس جده حسين بأرض الغاضريه
موسى مسموم الجبد يوم المنيه
حسين مذبوح وتسحكه اخيول اميه
واليكظي مذبوح .. وبجسمه اجروح
من العطش صار .. لا مهجه لا روح
. . . . . . . . . . . .
--------------------
بهاي المسيه .. يالرافضيه
مأتمنه منصوب .. بالكاظميه
. . . . . . . . . . . . . . .
الليله ياشيعه الحزن عم الوطيه
واجب اعلينه وفرض منصب عزيه
انواسي گلب المرتضى وگلب الزجيه
اليوم فكدوا شبل بأرض الكاظميه
يالله يشبان .. نشيع له جثمان
وننصبله كل يوم .. موكب للاحزان
. . . . . . . . . . . . . . . . . . . . .
بموكب الاحزان كون انواسي جده
بالگلب مو بالأرض محفور لحده
كون فوك ارموشنه نوسدله خده
ونمسح آثار الحديد الفوك زنده
الحارس يگيده .. ويسمله جبده
وبأمره هارون .. طاغي وتعده
. . . . . . . . . . . . . . . .
صدّر الملعون هارون بخطابه
حطوا موسى بالسجن رايد عذابه
والله ياشيعه السجن واضحه أسبابه
رادوا يبعدون أنصاره وصحابه
عمره يتمه .. ابزنزانه ظلمه
صابر على الصار .. وبصبره حكمه
. . . . . . . . . . . . . . . .
الكاظم ابزهرة شبابه جان محبوس
صابر ومن صبره لازم ناخذ ادروس
اليوم شبان العقيده اتضحي النفوس
للجهاد امتثلوا و خلوا على الروس
أمر القياده .. نطيعه بإرادة
والكاظم اليوم .. رمز الشهاده
. . . . . . . . . . . . . . . . . . .
اليوم باسم الكاظم ايرفعون رايه
بيد ولد المرجعيه وبيها غايه
الغايه يعني ما نهاب امن المنايا
من بداية الحشد حتى النهايه
هذا عهدنه .. ومرفوعه يدنه
يارب يقهار .. انصر حشدنه
. . . . . . . . . . . . . . . . . .
كل شهيد العاده ربعه يغسلونه
وأهله يتكفلون بي ويشيعونه
ليش فوك الجسر موسى يتركونه
ولا حضر له واحد واغمض عيونه
والنادي كبّر .. هذا ابن جعفر
بالسم يشيعه .. جبده تفطر
. . . . . . . . . . . . . . .
هذا منظر عالجسر جثه رميه
نفس جده حسين بأرض الغاضريه
موسى مسموم الجبد يوم المنيه
حسين مذبوح وتسحكه اخيول اميه
واليكظي مذبوح .. وبجسمه اجروح
من العطش صار .. لا مهجه لا روح
. . . . . . . . . . . .
تعليق