تويت
نسوي حشوة الدجاج اولاً ..
الطريقة :
على نار عاليه نحط ثلاث ملاعق كبيرة زيت زيتون ، كيلو صدور دجاج مفتت صغار ، ونحمس الدجاج لين يتغير لونه
نحط حبتين بصل مقطعه صغار و باذنجان مقلي ممكن تلغون الباذنجان اذا ماتحبونه ونحط الملح وباقي البهارات
اذا تبخر كل مرق الدجاج واستوى ، نحط عليه ربع كوب كريمة طبخ ونخليه يتسبك دقيقة
ونشيله من على النار ونخليه لين يبرد ، وإذا برد نحط عليه حزمة بقدونس مفرومة ..
العجينة:
ربع كوب ماء +كوبين حليب سايل +ملعقتين زبدة + كوبين طحين
للتغطية:
ثلاث بيضات مخفوقه مع اربع ملاعق حليب ورشة ملح ، كوبين بقسماط
الطريقة:
بنفس القدر الي سوينا فيه الحشوة ، على نار وسط نحط المويه والحليب والزبدة ، لين يغلي وتذوب الزبدة .. نحط الطحين ونحرك بملعقة خشب
لين تتكون لنا كتلة عجين ناعمه تنفصل عن القدر ، نستمر بالتقليب خمس دقايق .. نشيلها من على النار ونغطيها لين تبرد ، ونحشيها بالدجاج ونغمسها بالبيض بعدين البقسماط .. نقليها ، القلي يكون بزيت غزير وعلى نار عاليه بالبداية
وبعدها واطية
تعليق