قصيده للعليله بنت الحسين

[حيدر محمد علي]

اصيحن عل مشه او خلاني
اصيحن بويه لا تنساني
_
اني لو عفتك يبويه والله اموت ابداري
بلظلوع النار شبت بويه هاك اخباري
الدمع ما يكظي حاجه اولا يطفي ناري
تنطفي نار المصيبه لو يمر الطاري
يردون يمته اهل الغيره
يردون والله طحت ابحيره
_
يا حبيبي اخلاف عينك عمري سود ايامه
طفله اوبلايه اهلها خل تدك عل هامه
الدهر اسود يبويه او ما يفك الثامه
كون اوصله يدنيه او حته اقبل اجدامه
وكله بويه عذبني الهجر
وكله ارجع او طفي الجمر
_
اليل ما نامه ابغيابك يا اعز من روحي
انطيني ايدك يبو الغيره حته اداوي اجروحي
جفك اليمسحلي دمعي حته اعوفن نوحي
معول الايام وسفه ابحقده هد اسروحي
تهدم بيتي يا بن فاطمه
تهدم ولنظر يجري دمه
_
ابقه انوحن علنساني ابهل ارض محتاره
كلفت كل العرفه ما يجيب اخباره
شلي بلبيت ابغيابك ونطفت انواره
شرد اجاوب يبو الغيره لو اجت خطاره
شكلهم لو يسئلوني البشر
شكلهم وينه ابن فارس مظر
_
بويه احلفك بلزجيه هم دريت ابحالي
الدمع عاشر عيوني انهار ويه اليالي
اني مو واحد فكته اني بيتي خالي
ظيعت ابن الصميده او يبقه دمعي هالي
يبويه طفله ذوبها الدمع
يبويه شوفه كلبي منصدع
_
الخيمه طاحت عكب عينك يا عمود الخيمه
هاي اطفالك يبويه فرت ابهل هيمه
والله من هاي المئاسي عاش كلبي ابظيمه
ابقه اصيحن كل حياتي وين اهل الشيمه
اصيحن عل مشه او خلاني
اصيحن بويه لا تنساني
_
للشاعر حيدر محمد الكعبي