قصيدة اليوم العاشر

[حيدر محمد علي]

بليلة وداع حســــين شـــفت العـــجيبة
باجــــر يبو الاحـــرار زينب غـــــريبة

ياجــدي خـــيل ونـــاس دارت علـــيهم
يردون اخــوي حســــين يسمع حجيهم
تبــعو درب شيــــطان عـــــافو نــبيهم
ليـــلة وداعـــه اشلون لــــيلة رهــيبة

يحجيلي خوي حسين ودموعي تجري
ياخوية خيل عداج تهشملي صــــدري
عندج امانة عيــال ياخيـــتي اصــبري
شصبر بعــد يحســـين وانــــة النجيبة

ياخـــوية حجيك سيــــف كــطع دليلي
يعني اعلة هاذة الحال ميـــظل كفــيلي
بـــاجر يـــخوية الـــكوم تسمع عويلي
كلبي اشتعل نــــــيران شـــاجر لهيبة

هاي الحرب يحسين شنهو سببها
ماتـــعرف الظــــلام ســـيد عربها
سيطر عليها بليس ســــود كلبها
واليتـــبع الشـــيطان يترك حبيبة

خليني اشبع شــــــوف منك يوالي
من يطلع المصباح تمشي الغوالي
باجر يـــــخوية انذال تلمح خيالي
يم الخدر عـــدوان تصــــبح قريبة

مااريدن اعلة النوك تمشي اليتامئ
ياخـــــوية اتـــرجاك ردنة ابسلامة
مــاطــولة هذا اليل بعــــدة ابظلامة
مااريدن انة وي عداك ارحل سليبة

لخادم الحسين حيدر الكعبي

[احمد اخلاقي]

صديقنا حيدر مو كل قصايدك تنزلهم بيوم واحد

[ابو زينب الظالمي]

موفق ان شاء الله تعالى