نزله للانصار ع ليلة ٦ محرم

[ابو زينب الظالمي]

حملة الانصار… ما مثلها صار… للمظلوم
تبقه مرسومه… منها معلومه… للمظلوم
ـــــــــــــــــ
الما سمع بالوقعه لو ضيع خبرها
ملحمه الما مرت بسالف دهرها
بيها خيره من البشر الله إختبرها
فازت و جنت عدن ناتج صبرها


ما جزوا سبعين… حاموا اعله الدين… للمظلوم
تبقه مرسومه… منها معلومه… للمظلوم
ـــــــــــــــــ
بيها شبان الفنت ببن الزچيه
عافوا الدنيا ولفوا للغاضريه
عرفوا العز والمجد بس بالمنيه
ضحوا بدمهم لجل أشرف قضيه


أخلصوا ودهم… انطوا اشعدهم… للمظلوم
تبقه مرسومه… منها معلومه… للمظلوم
ـــــــــــــــــ
بيهم أصحاب النبي و حيدر وصيه
خطوا بطف كربله صفحه جليّه
واصلوا حب النبي بنصرة بنيّه
بدمهم الطاهر زكى تراب الوطيه


ضحوا الهامات… و الوگع ما مات… للمظلوم
تبقه مرسومه… منها معلومه… للمظلوم
ـــــــــــــــــ
بيهم الحر البرز جوهر صفاته
ناصَر حسين وإله أرخص حياته
ما ركع ليزيد لا كثرة هباته
بين إيمان ونبل صاحب ثباته


ما وكف محتار… الخلود اختار… للمظلوم
تبقه مرسومه… منها معلومه… للمظلوم
ـــــــــــــــــ
بيهم اليهوى السبط ذاب بغرامه
و ما گدر بالطف يضم حبه لامامه
عابس العاشگ ترك درعه و حسامه
و يدري بين أهل الغدر متصح سلامه


راضي يتگطع… لغيره ما يخضع… للمظلوم
تبقه مرسومه… منها معلومه… للمظلوم

[الجياشي]

أحسنتم اخي ابو زينب الظالمي على هذه المقطوعة الرائعة
كلمات جميلة وهمسات رائعة عاشت الأنامل