السيدة زينب (ع) وهلال المحرم وبعد سنه من فراق الاحبة .

[شيخ جاسم السيلاوي]

السيدة زينب (ع) وهلال المحرم وبعد سنه من فراق الاحبة .


( تجليبة )




يــهلال الحزن جددت أحزاني
من اتهل تشب بالگلب نيراني


⚫
سنه مرت عــليه واجذب الونه
عشت اتأمل وماكاطعه الظِنه
تـرد ايامنه واحسـين اشوفنه
واسولفه الجرالي وحيل أذاني


⚫
اسولف لبوا اليمه اهمومي وآلامي
واكله اشسوه بيه الكوفي والشامي
انه ابكثر الهظم ماانگل أجدامي
بُطَل حيلي يخويه ودهري عاباني


⚫
يهلال الحزن تنكطع مني انفاس
من اذكر عمود الهِشم ذاك الراس
أملنه خاب كله بطيحت العباس
ومن بعده الزمان اشكال راواني


⚫
يهلال وبعد دمعي يكت أحمر
لحسين التمدد يم عـلي الأكـبر
يـون ويصيـح واويـلاه يـمطبـر
يمن دهري عليك بحسرة خلاني


⚫
ومصاب الذي بدلالي حيل يجيس
للحومـة نـزف جسـامنـه العـريـس
وامه لوتون يضربها حادي العيس
وانه عمته بديه ظال نيشاني


⚫
وجرح وسـط الگلب يـهلال مايشفه
عبد الله الگضه بذاك السهم حتفه
جريب المــاي منه وماشـرب رشفه
وامه اتصيح يبني الهجر سلاني


⚫
يـهـلال الحـزن مـن طـاح والينه
جاب النوگ عجفه يصيح حادينه
عبـاس اووكـع يسـروا نسـاويـنـه
واْنه باسمي النذل ياحيف ناداني


⚫
للـكوفة وصـلنه بگرب حامي الجار
وأذكرنا الدلال المضه بذيج الدار
وهسه احنه سبايا ابين هالاشرار
وردتك ياعلي بهاليوم ترعاني


⚫
طبـينـه المجـالس والخـلك لمه
والاطفال كلها اتصيح ياعمه
لن جابوا طشت متلطخ بدمه
بيه راس الولي واهتزت اركاني


⚫
صرخن كل بنات احسين والنسوان
من شافن وليهن هاجت الأحزان
وابن ازياد شامت منتصر فرحان
وانه بهاي المصايب خافته ألواني


_________________
✍🏻الشيخ جاسم السيلاوي


ليلة /19 /ذي الحجة /1438 هـ


https://t.me/nooralhussein5