إثارها ما أروعه

[قاسم حتروش]

إيثارها ما أروعه **لحسين ضحّت أربعه
الوفيه الوفيه
*********
معروفه أم ألأربعه لضحّت كــــــــل ولدها
غايتها ترضي فاطمــــــــه وبالغايه سعدها
بارينه جازاها بكرم مــــــــن وفّت عهدها
باب الله صارت للنشد مــا خاب الكصدها
أصيله وطيبة نسب **لكصدها نال شطلب
الوفيه الوفيه
*********
جربها مـــــره وأعتني يــــــــــم باب الوفيه
وصلي على آل النبي وأبــــــــدي بأي قضيه
جمــــــــــــــــرات كلبك تنطفي بيدين الأبيه
وتزيل مــــــــــــن عندك علل تنهي أي بليه
بأذن الله والحجج** تلبسك ثوب الفرج
الوفيه الوفيه
**********
مـــــــــــن تقـره إلها الفاتحة تتسهّل أمورك
بالسفر لــــــــو جنت وعسر يتعجّل مسيرك
ولو حاجه عندك تنكضي ويتحسّن شعورك
أم البنين الأربعـــــــــــــه مفتاح السرورك
تعينك وبكل ضرف **وكرمها ما ينوصف
الوفيه الوفيه
*********
لــــــــــو علّه عندك أو مرض حلفها بضناها
تشفيك مــــــــــــــن كل العلل متردك حشاها
جم واحـــــــــــد ليمها وكف عالباب ونخاها
من جاب أسم حامي الضعن رد منها بشفاها
لو تكصد إلها دول **تشافي كل العلل
الوفيه الوفيه
**********
أجرتها مــــــــن اللي كصد والرايد دواها
دمعه على حسين الأبــــي لما ينسه رباها
لضحتله شبان أربعــــــه ومصابه عماها
ولو عدها ميه مــن الولد ما ينقص وفاها
لو عدها مية ولد **أبد ما تخلف عهد
الوفيه الوفيه
*********
ليخدم أبو اليمه وعلي متــــــــــردّه وترجعه
وليخلص بهـــذا الدرب تضوي بدربه شمعه
تيسر أموره لـــــــــو خلص بالمحشر تنفعه
وينـــــــــــــــــول أعلى مرتبه بالدنيا ترفعه
لذكرها بطف كربله **تبجله وتدللـه
الوفيه الوفيه
***********
مــــــــــــن بابها خل نندبه البارينه ونسأله
يعجّل فرج أبـــــــن الحسن مهدينه ويسهله
دنيتنه بيها بس ظلم ونــــــــريد أحنه عدله
جم جمعه نحسبها بعــــــــد ونشوفه ونقبله
يرب عجّل مطلعه** بجاه أم الأربعه
الوفيه الوفيه



الشاعر
خادم الحسين (ع)
قاسم حتروش البلداوي
خادمكم
أسألكم الدعاء