إعـــــــلان

تقليص
لا يوجد إعلان حتى الآن.

هم تجينه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هم تجينه

    هم تجينه .. وتنهي أيام الحــــزن وتلم شملنه
    هم تجينه .. وتجلي كل همومنه وتشفي ألمنه
    سنين ننطر جيتك ** يمته تنهي لغيبتك
    يابو صالح ** يابو صالح
    *******
    يابو صالح أحنه مـــــن مل انتظارك
    لأن نعرف هــــــل أمر مو بختيارك
    قدّر الباري بقدرته مــــــــن أختارك
    تبقه هل مـــــــدّه الطويله اتّاني ثارك
    الله أعلم ... ليش كل هذا الوكت تبقه أنت غايب
    الله أعلم ... بيا زمــــــــن ترجع بثاراتك تطالب
    وتنهي كل العادتك ** يمته تنهي لغيبتك
    يابو صالح ** يابو صالح
    **********
    أنت عبد الله نعرفــــــــــك وأنت حجه
    طعت بارينه وخـذت مــــــن طه نهجه
    طعم دنيتنه بغيابــــــــــــــك دنيـه مجّه
    ونسأل بيا يــــــــوم مهـرك تشد سرجه
    تهنه بعدك ... بجور حكام الدهـــر والمر علينه
    تهنه بعدك ... والظلم مالي الأرض يمته تجينه
    وتعله بيدك رايتك ** يمته تنهي لغيبتك
    يابو صالح ** يابو صالح
    *******
    فراكك نهجسه يغالي نــــــــــار جمره
    تصهر بروح الموالي طــــــول عمره
    عاش مكسور الكلب محتــــــار بأمره
    وبس حضرتك يعتقــــــد كسره تجبره
    كل موالي ... يسأل بيا يـوم فجرك يطر صبحه
    كل موالي ... يريد تنهي لغيبتك وتداوي جرحه
    هذا مطلب شيعتك ** يمته تنهي لغيبتك
    يابو صالح ** يابو صالح
    *********
    مـــــــــن رحل طاغوتنه كلنه السياده
    بيدنه صارت وحـــــــن عيش بسعاده
    تالي ما حصّلنه كـــــل شي من القياده
    بس قتل وارهــــــــــــاب والهم بزياده
    مر جرعنه ... بوكت ذاك الطاغيه اللي ما رحمنه
    مر جرعنه ... بوكت ذوله الجـــــون وتدمر بلدنه
    همها تنهب ثروتك ** يمته تنهي لغيبتك
    يابو صالح ** يابو صالح
    *******
    صعبه دنيتنه بغيابــــــــــك والله صعبه
    وكـــــل شخص يحكم علينه علن حربه
    كلنه مهموميـــــــــن والمرتاحــه عصبه
    فرهدت مــــــــال الوطن تحسبنه غربه
    ما نصفنه ... لستلم بيده الحكم يعمل الحزبه
    ما نصفنه ... وأبــد مارق بمحنّه ساعه كلبه
    ناسي منهج حضرتك ** يمته تنهي لغيبتك
    يابو صالح ** يابو صالح
    ********
    بجـــــــاه زينب عمتك وغربة رقيه
    تسأل القيّــــوم كـــــــــــل الجعفريه
    ينهي لغيابك يبن حامــــــــي الحميه
    حتى تصلح هـــل وضع بيدك الأبيه
    بإنتظارك ... تبقه شيعـــة حيدره اتّاني قدومك
    بإنتظارك ... تبقه كـل جمعه التمر تكول يومك
    ندري ذابت مهجتك ** يمته تنهي لغيبتك
    يابو صالح ** يابو صالح



    الشاعر
    خادم الحسين (ع)
    قاسم حتروش البلداوي
    خادمكم
    أسألكم الدعاء
يعمل...
X