تضحيه وإيثار

[قاسم حتروش]

[CENTER][COLOR=#000080][SIZE=7][B]تضحيه وإيثــار    **    موقـف الأنصار[/B]
[B]بيوم عاشـورك    **     يا أبـــو الأحرار[/B]
 ***********
هـــــاي أنصارك يبو اليمه الأصيله
منوجــــــــــــد منها بمواقفها النبيله
كل شخص منهم أبـــد ميصح مثيله
هامــــــــت بحبك يبن حامي دخيله
[B]الشيب والشبان     **   كلها فد عنوان[/B]
[B]وحاطهم نــورك[/B]    **    [B]يا أبـــو الأحرار[/B]
 ***********
كل شخص منهم نـــزل أرض المعاره
بمرجله وزود وإباء يــــــــــرد شعاره
ولاكه خصمه بكل فـــــداء وكل جداره
ونــــــــــال أعظم مرتبه بهاي التجاره
[B]عقد هــل صفقه[/B]    **    [B]بكل وفــه ودقه[/B]
[B]من وكـــف دونك[/B]   **     [B]يا أبـــو الأحرار[/B]
 ********
احتار ليضــــدّك يبو اليمه بعزمهم
يوم شــــاف لهل ولاء وكل هممهم
 أبو فاضل صار إلهم كـــــل سندهم 
وحبهم لشخصك يبو الأكبر مددهم
[B]بأجمل التصريــح[/B]     **   [B]يا حسين تصيح[/B]
[B] بصوتها سرورك[/B]    **    [B]يا أبـــو الأحرار[/B]
 ***********
لو زرتهم ينعش الروحـــــي عطرهم
وأنظر بعيني وأشـوف الكل صورهم
لهل مسه باقـــــــي على الدنيه أثرهم
ومدرسه للناس كلها بكـــــــل عِبَرْهُم
[B]بيها أتــــأمّـــــل[/B]     **   [B]ومنها أخــذ حل[/B]
[B]مـن اجي لسورك[/B]   **     [B]يا أبـــو الأحرار[/B]
 ******
خذت مــــــــن ايثارهم وأمسَوْ قدوتي
وبدربهم صــــــرت أخطّيها الخطوتي
نذرت عمري الأجلك ونــــاذر مهجتي
ومنهم أتْعَلّمِــــــــتْ تضحيتي وخدمتي
[B]شعر مــن أنظم    **    منهــــم استلهم[/B]
[B]وأشـم بعطورك[/B]    **    [B]يا أبـــو الأحرار[/B]
 ***********
بجاه كل واحــــــد إلك ضحّه بوريده
يعجّل الباري بفــــــرج أبن الصميده
حتى ياخذ ثاركـــــــــــم والحك يعيده
وتحت ظلّه نعيش دنـيـتـنــــــه سعيده
[B]أي وحك زينب    **    نـبـقـه نـتــرقب [/B]
[B]ساعة ظهورك[/B]   **     [B]يا أبـــو الأحرار[/B]
 
 
 
[B]الشاعر[/B]
[B]خادم الحسين (ع)[/B]
[B]قاسم حتروش البلداوي[/B]
[B]خادمكم[/B]
[B]أسألكم الدعاء[/B][/SIZE][/COLOR][/CENTER]