إعـــــــلان

تقليص
لا يوجد إعلان حتى الآن.

مبارك يجاسم مسكنك بالجنه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مبارك يجاسم مسكنك بالجنه

    مبارك يجاسم مسكنـــــــك بالجنه
    بيّضت وجهـي بوكفتـــــك يمجنّه
    ***********
    يوليدي مــا ضاع السهر لسهرته
    ولا ضاع كـــل ذاك التعب لتعبته
    بيوم الطفوف ربــاي كلّه أنظرته
    مــــن شفتك بلامة حرب بالمحنه
    **********
    مـــــن شفتك بيوم الطفوف ابهمّك
    تريد النصر للديـــــن يبني وعمّك
    ناذر حياتك مــــــــن اجلها ودمّك
    مــا ضاع كل تعبي كلت لا ضعنه
    *********
    مــــــا ضاع يبني بيك ذاك ربايه
    ورفعت راســـي بوكفتك يضنايه
    تجازيك أمّــــــــك فاطمة الوفّايه
    بالجنه عرسك تعقــــــده وتتحنه
    *********
    ندري الولــــــــد ينـراد يوم الشدّه
    ويجازي أمّـــــه اوّالده بكل جهده
    مـــــــا قصّرت أنت وفيت بعهده
    للحسن يبني طيّبت كــــــــل ظنه
    *********
    من أنصرت عمّك نصرت الإسلام
    بهذه وكفتك أفتخر يـــــــا ضرغام
    وأسمـك يضل شمعه بمسار الأيام
    تضوي بــــدرب أتباعنه وشيعتنه
    **********
    كل والــــــــده تريــد لأبنها تشوفه
    عريـــس يبنـــــي وتلتقي بضيوفه
    وتشوف أحبابـــــــــه تحني جفوفه
    وتعلك شموعــــــه بالعرس يتهنه
    *******
    حـر لــو بـــرد لجله العمر ناذرته
    وشمعه تشوفـــــــــه أبيتها ناظرته
    تحسب حساب ليـوم عرسه وزفته
    وثياب عرســــــــــه أتلبسّه تتمنه
    *********
    حكـــها لـــون تفتخــــر بيك الشبّان
    وتعلكلك شموعك بيومك لـــو حان
    ومجلس عزه تنصبلك أهل الإيمان
    كل سنه وكــل عام بحزن يجمعنه
    *********
    يا ربي هـــــل يوم أسألك بالقاسم
    ومثلي تسألك شيعته يـــــــا لدايم
    تفرّج غيابــــه وتظهر ألنه القائم
    ياخذ الثاره مـــــــن العده ينقذنه



    الشاعر
    خادم الحسين (ع)
    قاسم حتروش البلداوي
    خادمكم
    أسألكم الدعاء
يعمل...
X