إعـــــــلان

تقليص
لا يوجد إعلان حتى الآن.

يأسروني بمسه باجر يأسروني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يأسروني بمسه باجر يأسروني

    يأسروني بمسه باجـــــــر يأسروني
    ويبعدوني غصب عنّــــــك يبعدوني
    *********
    الأبو الأكبـــــــر أجيته أرد أودعنه
    وأخبره عن مسه باجـــــر وأشوفنه
    أودعه ومن أودعــــــــه أعتذر منّه
    ومن يمه غصب باجـــــر يجروني
    ********
    يبن أمي لون باجــــــــر طلع صبحه
    يسدد لي الدهر وســــط الكلب رمحه
    ويصوّبني بجرح ميطيب أبـد جرحه
    وأطباء المله لا مــــــــــــا يطيبوني
    ******
    جروح تصيبني باجــــــــــر فلا تشفه
    وأبد ميصح طبيب إلها وتصح وصفه
    ومـــــــــا ظن الكلب يوكف أبد نزفه
    بعد مـــــــا ترحل أخواني وييتموني
    ********
    بعد عينك أضل أنـــــــــه بكلب دامي
    وعدوانــــــــــك تشب نيران بخيامي
    ونشرد للبراري أنــــــــــــه وأيتامي
    ويسلبون الحرم خويـــــه ويسلبوني
    *********
    لو بيدي لضل يمّــــــــــك ولا عوفك
    وأضل بالغاضريـــــه خويه بطفوفك
    لحد مــا موت اضل أستقبل ضيوفك
    لاكن هــــــــل أمــــر بيد اليعادوني
    *******
    رغم عني يخويه مــــــــن أعوفنّك
    ومجتوفه وأسيره مـــــــن أودعنّك
    ويرافكني الظعن مــــن أبتعد عنّك
    وما تنشف دمعتي يـا ضوه عيوني
    **********
    أشكي حالتي وأترجّـــــــــه بالمعبود
    وأسأله بكــــل مسيه بالنبي المحمود
    يعجّل بالفرج ويــــــــــرده للموعود
    لياخذ ثارنه مـــــــــن اللي ظلموني





    الشاعر
    خادم الحسين (ع)
    قاسم حتروش البلداوي
    خادمكم
    أسألكم الدعاء
يعمل...
X