تويت
بيتزا محشية الاطراف بعجينة الزبادي القطنية
6 كوب طحين
2 ملعقة كبيرة سكر
ملعقة كبيرة خميرة
ملعقة صغيرة ملح
ملعقة صغيرة بيكنغ باودر
ملعقة صغيرة خل أبيض
ربع كوب زيت مخلوط نباتي مع زيت زيتون
نص كوب لبن زبادي بحرارة الغرفة
2 كوب حليب دافي
الطريقة :
نخلط اللبن والحليب والزيت والسكر والخميرة والخل مع كاسة وحدة من مقدار الطحين نخلطهم مع بعض منيح لمدة 3 دقايق.
باقي 5 كاسات طحين منخلط معن البيكنغ باودر والملح ومنضيف كاسة كاسة فوق خليط الزبادي والحليب ومنعجن حتى يصير عنا عجينة مرنه وكل ما انعجنت اكتر بتطلع أطيب.
بنتركها تتخمر ليتضاعف حجمها وهي العجينة سريعه الاختمار بساعه وحدة نفشت .
برش الصينية شوية سميد بيعطيها قرمشة وبمص الرطوبة من العجينة .
باخد قسم من العجينة وبمدو بالصينية بعدين بعمل كرات عجين بحشيهم شي بالجبنة وشي بشرائح الزيتون وبصفهم داير الصينية وبدهنهم بزيت زيتون وبرش عليهم شوية سمسم
بخرم العجينة بالشوكة ما عدا الحواف .
بحط الصلصة ولازم تكون باردة وفوقها تلت ارباع كمية الجبنة انا بستعمل موزريلا وبصف فوقها الفطر والبندورة والزيتون والفليفلة وبرجع بحط باقي كمية الموزريلا وبرش رشة اوريغانو فوقها وبتركها عشر دقايق قبل ما دخلها الفرن وبحمي الفرن اثناء هالوقت ولما دخل الصينية بخفف الحرارة للوسط .
ملاحظة : مقدار العجينة بيعمل اكتر من صينية .