زينب (عليها السلام)

السلام عليكم ورحمة الله وبركاته
اللهم صل على محمد وال محمد
*********************
كل شاعر كتبلج ماوصل ليـــــج***ولاتكدر توصفج كل الاقــــــلام
وفخر لمن تكتبج ولهه محســـــوب***التواريخ بسفرهه تشيلج اوسام
تاج عله النسه زينب اخليــــــج***ومثلج ماتجيب بيـــوم الارحــــام
ألج هيبه وقداسه ونور ماصــــــار***وذا ندخل نزورج نلبس احــــرام
العقيده اتمثلت بيج انتي والديـــــن***ونفس الدين منج ياخــذ اســــلام
ويم هيبة ضريحج يخشــــع الكون***ووجوبآ يم حضرتج تنحني الهام
زينب والمصايب توأم أثنيـــــــن***وياهه الحزن متحـــزم احــــزام
عيون اثنين عدهه وشالت الخوف***ولاضاكـــت كره ولا لــذة احــــلام
منهن عين ظلت دمعه لحسيــــــن***وعين بخوف ظلت ترعه الايتام
وصدك ما اصدك عافج احسيـــن***وحدج ما اضن من رحتي للشام
ميت ولحسين عيونه ترعـــــــاج***فوك عله الرمح ما تقبــــــل اتنام
ومثل امج زغيره وشلتي الهموم***وتجرعتي غصص وشكــــــثر آلام
وعفه لكلبج تحمل ها كثرضيــــم***ومثل كور عله راسج حزن الايام
من عد الاعوام تشيب النـــــاس***ونتي بمحنتـــج شيبتي الاعــــــوام
ومر جان الاسر يازينب عليـــج***وكل عام اليمر ينعد بالـــــــف عام
وصح انتي مره بس جنتي خيال***وشباه الرجال كبالــــج أقـــــــــزام
ويظل اسمج حقيقه بعين السنين***وتلاشت كل اميه وصارت أوهـــام
بيج جروح حمره تفزز الليـــــل***شما مرالزمن ماضنهــــه تلتـــــام
الج دور انتي كمل ثورة حسين***ولولاج انتي مد الثـــــوره مـــــادام
دور حسين دمه وروه الطفوف***وواضح جان دورج دور الاعـــلام
صواعق في خطبتج حمم سجيل***ومنهه جم قناع الطــــاح ولثــــــتام
ومو صمصام شلتي بحضرة يزيد***صوتج جان ينعد بالف صمصــــــام
وذا اصنام طاحت كبل بالسيـــف***لسانج صار سيــــــف وطيح اصنام

إعـــــــلان

اترك تعليق:

اترك تعليق:

زينب (عليها السلام)