تويت
زيد الطفوف نادتك --- إنهض وفجِّر ثورتك
ياشبلألأحرار --- جرِّد البتار
إنهض وفجِّر ثورتك
---------------
إتفرْعِـنت أحــفاد أمــيّه --- جــارت وعتِّمَت ضلـــها
وحَكُّمَت سيف المجاعه --- أعله الذي يحارب دجلها
غرست ابكل جسم مخلب --- بالرفضـها او ما قِبـلْها
وعله ارگاب الشرف سلّت --- سيفها وصارت تذلها
شبحت اعيون وتنتظر
يمته ترف راية نصر
تنقذ الناس التحتضر --- والذي إتمنّت أجَلْها
إتمنت الناس إلطلعتك --- وتحمل الرايه ابيمنتك
هالناس شتريد --- منّك يصنديد
إنهض وفجِّر ثورتك
--------------- 1
إتكالبت عالناس حفنه --- إشعدها غايات ومآرب
جلبت الهم والتعاسه --- وهاذي عدها من المناقب
إتقمّصت ياثوب تدري --- ثوب عذري ولّه غاصب
امصنّفه ابجدول فعلها --- هذا حاقد هذا ناهب
إبمفهومهاإيحل النهب
إبكل مغنمه شصها تذب
مايعرف الغير الـچذب --- ومن تسمعه اتـﮕول راهب
إبيا حيله تدري باگتك --- إبيا جيب تدري ضمّتك
وينك يمغوار --- گص چف الاشرار
إنهض وفجِّر ثورتك
----------------- 2
صار وضع الناس قاسي --- والألم ياكل جسدها
وتـعرف الجـلاّد حاكم --- بيده سوط اللي جلدها
اعله الظُلم غضّت طرفها --- تاهت وتيهت رشدها
والذي يطالب إبحـﮕـها --- إتعوفه وتْعين إليضدها
إلسكتتها خلها تنتقد
ماسمعت الصوت المجد
إتْشَمِّر اذراع وتستعد --- إتساندالعزها ومجدها
استعد واعلن نصرتك --- للذي يضحّي العزّتك
لاتمشي بهواك --- خل عندك ادراك
إنهض وفجِّر ثورتك
-------------- 3
دمعه مــن الطف تسولف --- إلــك يــازيـــد المآثــر
بالجره اعله اهلك تخبرك --- من ظلم طاغي وجائر
هاك اسمع يخو الباقر --- صوت دوّه من المناحر
إنهض وجرّد حسامك --- وارسم ابسيفك مناظر
غيّمها خل تمطر غضب
واصليها نــــيران ولهب
ابدوّامه خليها وتعب --- وجهده مايتعب الثائر
الثار الطفوف رادتك --- عالكوفه أنشر رايتك
ياذخر الامجاد --- كسِّر الأصفاد
إنهض وفجِّر ثورتك
------------------ 4
قرر واحـــزم لأمــره --- واعلن الســاعة جهاده
يحصد انفوس الخبيثه --- حان موسمها الحصاده
والغفت عينه اعله ذلّه --- خلّه ينهض من رقاده
هذا يوم البيه يثبت --- على الحـگ ابلا هواده
المايرضه بالذل والظلم
ليصــير للحاكم طعم
لو گال شعليّه جرم --- صار بالطاغي اعتقاده
إنتفض عاللي سلبتك --- ميّز واعرف قادتك
إرفض المحتال --- كسّر الأغلال
إنهض وفجِّر ثورتك
------------------ 5
شرّعت للثوره مبدأ --- من فكر جدّك الظامي
لهبه من نار المخيّم --- تحرگ الفكر الظلامي
واهتفت وبعالي صوتك --- إلك ياجدي سلامي
إنـتقم مــن آل اميــــّه --- لجل هالدين انتقامي
من آل اميّه أنتقم
متهمني لاخيل وزلم
اعله ارگـابهم سيفي يِهِم --- هذا عنواني ومرامي
ناديت والكل سمعتك --- للعدل والحـگ نهضتك
بالحـگ يمقدام ---إسحـگ الظلاّم
إنهض وفجِّر ثورتك
------------------ 6
جرِّدت سيف الضلاله --- الكوفه ضدّك يخو الباقر
إتهيئت للحــرب كلها --- وســــلّت اعلـيك البـواتر
وانته سيف الحـگ يمينك --- يرهب الفاجر الغادر
صوّلت عالـﮕوم تهتف --- عالعمت منها البصائر
حكُّمَت لأقواس الكفر
وبجبهتك سهم الغدر
هالناس يادم إتْهَدُر --- ارتكبت الأعظم كبائر
والكوفه وحدك خلِّتك --- إتعَمِّدت هيّه الـچِتلتك
لاتظل محتار --- يالتطلب الثار
إنهض وفجِّر ثورتك
------------------- 7
ألمصـــــــــــــيبه
--------------------
ظل ابو يحيى يعاني --- السهم صوّب جبهته
صعب مطلاعه وينازع --- روحه ويّه طلعته
فاضت الروح الأبيه --- الكوفه طفّت شمعته
والأشد وأعظم جريمه --- سنين اربع صلبته
من بعد صلبه الغدرته
ابيا حقد حرگت جثّته
وبعد إلحَرِگْها ذرّته
إلحرگواإبنار المخيّم --- إلجثّتك يازيدحرگوا
----------------------
خادم الحسين ع
السيد هادي الحمامي
ياشبلألأحرار --- جرِّد البتار
إنهض وفجِّر ثورتك
---------------
إتفرْعِـنت أحــفاد أمــيّه --- جــارت وعتِّمَت ضلـــها
وحَكُّمَت سيف المجاعه --- أعله الذي يحارب دجلها
غرست ابكل جسم مخلب --- بالرفضـها او ما قِبـلْها
وعله ارگاب الشرف سلّت --- سيفها وصارت تذلها
شبحت اعيون وتنتظر
يمته ترف راية نصر
تنقذ الناس التحتضر --- والذي إتمنّت أجَلْها
إتمنت الناس إلطلعتك --- وتحمل الرايه ابيمنتك
هالناس شتريد --- منّك يصنديد
إنهض وفجِّر ثورتك
--------------- 1
إتكالبت عالناس حفنه --- إشعدها غايات ومآرب
جلبت الهم والتعاسه --- وهاذي عدها من المناقب
إتقمّصت ياثوب تدري --- ثوب عذري ولّه غاصب
امصنّفه ابجدول فعلها --- هذا حاقد هذا ناهب
إبمفهومهاإيحل النهب
إبكل مغنمه شصها تذب
مايعرف الغير الـچذب --- ومن تسمعه اتـﮕول راهب
إبيا حيله تدري باگتك --- إبيا جيب تدري ضمّتك
وينك يمغوار --- گص چف الاشرار
إنهض وفجِّر ثورتك
----------------- 2
صار وضع الناس قاسي --- والألم ياكل جسدها
وتـعرف الجـلاّد حاكم --- بيده سوط اللي جلدها
اعله الظُلم غضّت طرفها --- تاهت وتيهت رشدها
والذي يطالب إبحـﮕـها --- إتعوفه وتْعين إليضدها
إلسكتتها خلها تنتقد
ماسمعت الصوت المجد
إتْشَمِّر اذراع وتستعد --- إتساندالعزها ومجدها
استعد واعلن نصرتك --- للذي يضحّي العزّتك
لاتمشي بهواك --- خل عندك ادراك
إنهض وفجِّر ثورتك
-------------- 3
دمعه مــن الطف تسولف --- إلــك يــازيـــد المآثــر
بالجره اعله اهلك تخبرك --- من ظلم طاغي وجائر
هاك اسمع يخو الباقر --- صوت دوّه من المناحر
إنهض وجرّد حسامك --- وارسم ابسيفك مناظر
غيّمها خل تمطر غضب
واصليها نــــيران ولهب
ابدوّامه خليها وتعب --- وجهده مايتعب الثائر
الثار الطفوف رادتك --- عالكوفه أنشر رايتك
ياذخر الامجاد --- كسِّر الأصفاد
إنهض وفجِّر ثورتك
------------------ 4
قرر واحـــزم لأمــره --- واعلن الســاعة جهاده
يحصد انفوس الخبيثه --- حان موسمها الحصاده
والغفت عينه اعله ذلّه --- خلّه ينهض من رقاده
هذا يوم البيه يثبت --- على الحـگ ابلا هواده
المايرضه بالذل والظلم
ليصــير للحاكم طعم
لو گال شعليّه جرم --- صار بالطاغي اعتقاده
إنتفض عاللي سلبتك --- ميّز واعرف قادتك
إرفض المحتال --- كسّر الأغلال
إنهض وفجِّر ثورتك
------------------ 5
شرّعت للثوره مبدأ --- من فكر جدّك الظامي
لهبه من نار المخيّم --- تحرگ الفكر الظلامي
واهتفت وبعالي صوتك --- إلك ياجدي سلامي
إنـتقم مــن آل اميــــّه --- لجل هالدين انتقامي
من آل اميّه أنتقم
متهمني لاخيل وزلم
اعله ارگـابهم سيفي يِهِم --- هذا عنواني ومرامي
ناديت والكل سمعتك --- للعدل والحـگ نهضتك
بالحـگ يمقدام ---إسحـگ الظلاّم
إنهض وفجِّر ثورتك
------------------ 6
جرِّدت سيف الضلاله --- الكوفه ضدّك يخو الباقر
إتهيئت للحــرب كلها --- وســــلّت اعلـيك البـواتر
وانته سيف الحـگ يمينك --- يرهب الفاجر الغادر
صوّلت عالـﮕوم تهتف --- عالعمت منها البصائر
حكُّمَت لأقواس الكفر
وبجبهتك سهم الغدر
هالناس يادم إتْهَدُر --- ارتكبت الأعظم كبائر
والكوفه وحدك خلِّتك --- إتعَمِّدت هيّه الـچِتلتك
لاتظل محتار --- يالتطلب الثار
إنهض وفجِّر ثورتك
------------------- 7
ألمصـــــــــــــيبه
--------------------
ظل ابو يحيى يعاني --- السهم صوّب جبهته
صعب مطلاعه وينازع --- روحه ويّه طلعته
فاضت الروح الأبيه --- الكوفه طفّت شمعته
والأشد وأعظم جريمه --- سنين اربع صلبته
من بعد صلبه الغدرته
ابيا حقد حرگت جثّته
وبعد إلحَرِگْها ذرّته
إلحرگواإبنار المخيّم --- إلجثّتك يازيدحرگوا
----------------------
خادم الحسين ع
السيد هادي الحمامي
تعليق