تويت
قصيدة بمناسبة رجوع السبايا ( لطم )
-------------------------
بحســره وألم ردّينـــــه ---إﮔـعد شوفنه اشبينه
افراﮔك والأسر يحسين --- خلّن بالـﮔب نارين
إﮔـعد شوفنه اشبينه
----------------------------
ردّينه يخويه مــن اليسر والشـام
إﮔـعد شوف حال الحــرم والأيتام
تحـﭽـيلك هضمها وقســــوة الأيام
ولا إلها طبـﮒ يبن امّي جفن ونام
السهر سوط ويجرح عيون ---وﭽم سوط اليجرح امتون
ويدمــن خــويه هالجرحـين --- خلّن بالـﮔب نارين
إﮔـعد شوفنه اشبينه
---------------------------
يخويه اﮔـعدوسولفلك همومي اثـﮔال
تعب حيلي يخـــــويه ولا بعـد تنشال
ولخْتَه كل أخـــــو يسألها عن الحال
وهضم الّلي جـــــرالي ذوّب الدلاّل
ماعــدهاالعده رحمــه ---والغربه أشد زحمه
صارن بالـﭽبد رمحين --- خلّن بالـﮔب نارين
إﮔـعد شوفنه اشبينه
-------------------------
من ﮔطعوا وريدك والعده هجمت
صاحـــــت بالخيم فرهود ونّهْبَت
وبنار الضغينــه بيوتنه احترﮔت
ومن الخوف اطفال وحرم فرّت
فرّت كلها من الخوف ---صحره والفضه مكشوف
نهب حرﮒ الـصواوين --- خلّن بالـﮔب نارين
إﮔـعد شوفنه اشبينه
-----------------------
صحت وينك يخويه إلحـﮒ اعلينه
بنار اهــل الحقد والضمه اتـﭽوّينه
ولا عباس ينهض تــــــــرد ﭽفّينه
ومن جـــوده الـﮔمريـﮔـعد يروّينه
ولا واحد سمع صوتي --- كلها امْذَبّحه اخوتي
بسياط وســـبي ماشين --- خلّن بالـﮔب نارين
إﮔـعد شوفنه اشبينه
--------------------------------
انهدم خدري يخويه وطاح بنيانه
صعبه وﮔفتي وبوســــــط ديوانه
متْشــفّي ويســـــبني ابن مرجانه
تمنّيتك عـدل وتشــــــوف بلوانه
صعبه وﮔفة الديوان ---صرنه فرجه للعدوان
عَمْلات الوكت والبين --- خلّن بالـﮔب نارين
إﮔـعد شوفنه اشبينه
-----------------------------
وبعدها الشام اميّه بهضم ودّونه
وفرجـه للخلـﮒ يبن امي خلونه
بديـــوان الذبحكم خويه وﮔفونه
ولبونه المرتضه ﮔـاموا يسبّونه
متْشَــــمّت يحاﭽـينـــــــــه ---من عدنه أخذ دَينه
الشماته وسب ابو السبطين ---خلّن بالـﮔلب نارين
إﮔـعد شوفنه اشبينه
----------------------------------
اشـــد مــن السبي ياشــدّه شفناها
رقيّه هناك يــم راســــك فـﮔدناها
بأرض الشــــــام يبن امّي دفنّاها
وعلى اشفافك يزيد اسياطه لوّاها
دنّه راسك ابقسوه ---وسوطه عليك يتلوّه
حقده وسوطه عالشفتين ---خلّن بالـﮔب نارين
إﮔـعد شوفنه اشبينه
----------------------------
ألموّشّــــــــــــــــح
---------------------
اليوم خــــويه اربعينك واعتنيت
غصب عنّك أسّروني اليوم اجيت
وعلى ﮔبرك لملمت حيلي وبـﭽيت
والعدو حيلي يخويه هدّمه
----------------------------
جيــتك بلهفـــــة مفارﮒ يالحــــــنين
ﮔـــوم ليّه وشــــوفني خويه يحسين
وارد انشدك عن اخوتي صفوا وين
ﮔوم دلّيني يبن حامي الحمه
----------------------
ويـــن همتك ها يـــــبن داحي الباب
ﮔـــــــوم راويني خيمنه الـﮔلب ذاب
بس اشوف رماد من ذيـﭺ الاطناب
وﭽـن اشـــــوف اعتابها متألمه
------------------------------
وارد انشدك وين عبد الله الرضيع
خويه نيمته اعله نحرك ؟لايضيع
هاي امّة جــــدّك وهـــــذا الصنيع
جازت اتعابه بسفك اطهر دمه
--------------------------
-------------------------
بحســره وألم ردّينـــــه ---إﮔـعد شوفنه اشبينه
افراﮔك والأسر يحسين --- خلّن بالـﮔب نارين
إﮔـعد شوفنه اشبينه
----------------------------
ردّينه يخويه مــن اليسر والشـام
إﮔـعد شوف حال الحــرم والأيتام
تحـﭽـيلك هضمها وقســــوة الأيام
ولا إلها طبـﮒ يبن امّي جفن ونام
السهر سوط ويجرح عيون ---وﭽم سوط اليجرح امتون
ويدمــن خــويه هالجرحـين --- خلّن بالـﮔب نارين
إﮔـعد شوفنه اشبينه
---------------------------
يخويه اﮔـعدوسولفلك همومي اثـﮔال
تعب حيلي يخـــــويه ولا بعـد تنشال
ولخْتَه كل أخـــــو يسألها عن الحال
وهضم الّلي جـــــرالي ذوّب الدلاّل
ماعــدهاالعده رحمــه ---والغربه أشد زحمه
صارن بالـﭽبد رمحين --- خلّن بالـﮔب نارين
إﮔـعد شوفنه اشبينه
-------------------------
من ﮔطعوا وريدك والعده هجمت
صاحـــــت بالخيم فرهود ونّهْبَت
وبنار الضغينــه بيوتنه احترﮔت
ومن الخوف اطفال وحرم فرّت
فرّت كلها من الخوف ---صحره والفضه مكشوف
نهب حرﮒ الـصواوين --- خلّن بالـﮔب نارين
إﮔـعد شوفنه اشبينه
-----------------------
صحت وينك يخويه إلحـﮒ اعلينه
بنار اهــل الحقد والضمه اتـﭽوّينه
ولا عباس ينهض تــــــــرد ﭽفّينه
ومن جـــوده الـﮔمريـﮔـعد يروّينه
ولا واحد سمع صوتي --- كلها امْذَبّحه اخوتي
بسياط وســـبي ماشين --- خلّن بالـﮔب نارين
إﮔـعد شوفنه اشبينه
--------------------------------
انهدم خدري يخويه وطاح بنيانه
صعبه وﮔفتي وبوســــــط ديوانه
متْشــفّي ويســـــبني ابن مرجانه
تمنّيتك عـدل وتشــــــوف بلوانه
صعبه وﮔفة الديوان ---صرنه فرجه للعدوان
عَمْلات الوكت والبين --- خلّن بالـﮔب نارين
إﮔـعد شوفنه اشبينه
-----------------------------
وبعدها الشام اميّه بهضم ودّونه
وفرجـه للخلـﮒ يبن امي خلونه
بديـــوان الذبحكم خويه وﮔفونه
ولبونه المرتضه ﮔـاموا يسبّونه
متْشَــــمّت يحاﭽـينـــــــــه ---من عدنه أخذ دَينه
الشماته وسب ابو السبطين ---خلّن بالـﮔلب نارين
إﮔـعد شوفنه اشبينه
----------------------------------
اشـــد مــن السبي ياشــدّه شفناها
رقيّه هناك يــم راســــك فـﮔدناها
بأرض الشــــــام يبن امّي دفنّاها
وعلى اشفافك يزيد اسياطه لوّاها
دنّه راسك ابقسوه ---وسوطه عليك يتلوّه
حقده وسوطه عالشفتين ---خلّن بالـﮔب نارين
إﮔـعد شوفنه اشبينه
----------------------------
ألموّشّــــــــــــــــح
---------------------
اليوم خــــويه اربعينك واعتنيت
غصب عنّك أسّروني اليوم اجيت
وعلى ﮔبرك لملمت حيلي وبـﭽيت
والعدو حيلي يخويه هدّمه
----------------------------
جيــتك بلهفـــــة مفارﮒ يالحــــــنين
ﮔـــوم ليّه وشــــوفني خويه يحسين
وارد انشدك عن اخوتي صفوا وين
ﮔوم دلّيني يبن حامي الحمه
----------------------
ويـــن همتك ها يـــــبن داحي الباب
ﮔـــــــوم راويني خيمنه الـﮔلب ذاب
بس اشوف رماد من ذيـﭺ الاطناب
وﭽـن اشـــــوف اعتابها متألمه
------------------------------
وارد انشدك وين عبد الله الرضيع
خويه نيمته اعله نحرك ؟لايضيع
هاي امّة جــــدّك وهـــــذا الصنيع
جازت اتعابه بسفك اطهر دمه
--------------------------
تعليق