فطيــــــرة تركية

[خادمة الساقي]

فطيرة بواتشه السميت التركي


1- أول شيء في وعاء عميق :
م ك خميرة + ملعقتين كبيره سكر + علبة زبادي 170 جرام + كوب ماء دافي + ثلاث أرباع كوب زيت

.. نخفقهم مع بعض وبعدين نضيف ثلاث أكواب ونص إلى أربعه طحين أبيض مع م ص ملح .. ونعجنهم مضبوط راح تكون العجينه لينه بس ماتلزق باليد ونخليها تتخمر نص ساعه تقريباً إلى ساعه بس ما تزيد عن ساعه ..


2- نجهز الحشوه : خلطت جبنة فيتا مع موزريلا مع نعناع وفلفل أحمر حار مطحون .. طبعاً الحشوه على رغبتكم ، ونجهز صحن فيه صفار بيضه مع ملعقتين
كبيره حليب ونخفقهم مع بعض وصحن فيه سمسم محمص .


3- نقسم العجينه لأقسام متساويه وبعدين نكورهم ونفرد الكوره بالطول ونحط الحشوه ونقفل عليها مضبوط يصير عندك شكل خبز الصامولي حجم صغير وبعدين ندهنها من كل الجوانب بالبيض وبعدين نقلبها في السمسم ونصفها بصينيه فيها ورق زبده .


4- ندخلهم فرن مسبق التسخين على درجة حراره 400 فهرنهايت من تحت وبعدين نحمرها من فوق ماتطول عن 20 دقيقه بالفرن ..
.