ظلموك ياسيدتي يامولاتي يازهراء ⛲⛲⛲

[فداء الكوثر]

⛲⛲⛲⛲⛲

بسم الله الرَّحمنِ الرَّحيمِ
والحمد لله رب العالمين وصلى الله على محمد وآله الطاهرين
_______________________

ظلموا الزهره العــده ظلموهــه
اشكد محن عكب النبي راووهه

____________________
آه يالزهره اشكثر شافت محن
لمَّن ابكبره رسول الله اندفن
الفكد ابوهه ادموعهه من دم جرن
والأعادي امن البجي منعوهه
__________
زيِّدوا همهه عليهه والحزن
والدموع اتسايلن فوك الوجن
واعله كبر المصطفى ظلت تون
وتشتكيله امن العده الهظموهه
__________
آه يمصاب الوديعه فاطمه
الحالهه تبجي ملائكة السمه
ظلت الحد موتهه متألمه
بضعة الهادي اشكثر أذوههه
__________
دارهه هجموا عليهه اهل الغدر
وابكلبهه امن الحزن يسعر جمر
عد ابوهه الأمه هاي اشتعتذر
والشفاعه اشلون يترجوهه
__________
المصطفى هالأمه ابد ماراعته
عكب عينه خالفوهه اوصيته
عذبوهه وألموهه اوديعته
خلف باب الدار من عصروهه
__________
ألموهه وانكسر منهه الضلع
واعله عتبة بابهه المحسن وكع
تون ظلت ويلي واتهل الدمع
واعله خدهه ام الحسن لطموهه


⛲⛲⛲⛲⛲⛲⛲⛲⛲⛲⛲⛲⛲

[صدى المهدي]

اللهم صل على محمد وال محمد
احسنتم وبارك الله بكم
شكرا لكم كثيرا

يازهراء