معجزة الطفلة ريحانه

[روضة الزهراء]

اللهم صلِ على محمد وآل محمد وعجل فرجهم والعن عدوهم
السلام عليكم ورحمة الله وبركاته

راح احجيلكم قصه هلطفله ريحانه
بيوم من الايام زارتني سيدتي ومولاتي فاطمه الزهرء ع في المنام وبشرتني انو حامل بطفله
جميله واسمهه ريحانه،،،،
حجيت وياهه كوتله بس اني مو حامل كالت لا حامل وضربتني بعبايتهه بضهري فزيت من منامي ،،،
ثاني يوم راجعت دكتوره وجان 2 يوم رمضان وجانت البشاره
انو اني حامل ومن ذا 4 شهور
اقسم بضلع الزهراء مجان عندي اعراض حمل ولا صارت ويايه ،،
ومن بعد اتمام شهور الحمل جتي ريحانه بس للاسف مريضه وصحتهه تعبانه وبقيت اعاني بيهه فتره
بيوم صارت تتقيه دم وهنا اسودت الدنيا بعيني
سوينه لتحاليل والفحوصات وجان يطلع عدهه #فايروس بوقتهه فقدت الامل بكولشي
الئ حد وقت صلاه الصبح وجنت بلمستشفئ
اصلي وابجي واناجي ربي جتي مريه جبيره بلعمر كالت ماما اخذي هذا علك من #شريفه بنت الحسن فدوه لسمهه وخلي لبنتح خذيت وشديتهه باايدهه للصبح طلب الدكتور يعيد التحاليل والفحوصات وهنا رحمه ربي ومعجزه اهل البيت حضرت طلعت الفخوصات كولهه سليمه وطفلتي مابيهه هذاك المرض مجرد التهاب بسيط طلع
الدكاتره نذهلو من الصار شهلمعجزه كوتلهم هايه الطفله هديه مولاتي فاطمه
وشفائهه صار بيد السيده شريفه
#الحمد لله وهسه بنوتي عمرهه سنتين بفضل الله واهل البيت
#اللهم _صل_علئ_محمد_وال_محمد❤️

[التقي]

اللهم صل على محمد وآل محمد



هم اهل بيت النبوة ومعدن الرسالة ومهبط الوحي والتنزيل

هم سفن النجاة وباب الله الذي منه يُؤتى

فليس غريباً ان يقفوا مع شيعتهم ومحبيهم ، ماداموا على طريقهم ونهجهم .


اختنا الفاضلة


زادكم الله من فضله وحفظ لكم احبتكم واسعدكم في الدنيا والاخرة .

[روضة الزهراء]

اللهم صلِ على محمد وآل محمد وعجل فرجهم الشريف

اخي الفاضل ( التقي) ...

اشكرلكم حضوركم وتشريفكم فمروركم
اسعدني جداً واضاف لموضوعي روعة وجمال...

و دمتم بحفظ الله ورعايته