تويت
قصيدتي حوار مُتخيل بين زينب والشمر ، وأيضاً بصوت السيد نصرات قشاقش:
لا تعتقد يا شمر عن كافلي بعيده
هذا بعمود العلم مطبوع چف إيده
لا تحچي يم الگمر ... لو يدري بيه بخطر
مشهد على المشرعه يرجع تره يعيده
...... .......
ثوب الهوان وعلي موثوبي تدريبه
عودي يخوف العدو واخواني اهل نيبه
الموت بغلاة الزلم كلهم معازيبه
لكن هوان الزمن تفتر دواليبه
حطني بموقف صعب خلاني احاچيكم
لويدري هسه الولي لحظه ويصل ليكم
يخسى اليگول اعتذر .. لو يدري بيه بخطر
مشهد على المشرعه يرجع تره يعيده
....١.....
لتگلي وين اخوتچ والكافلچ وينه
خافن صدگ أمّنت مگطوعه چفينه؟
انشلت يمينك ولك لا تضرب اسكينه
عمها اعله شاطي النهر يرجف سهم عينه
هسه يشلعه ويجي من كونها تشحمه
ومنكم أشوفن بعد يضربها يازلمه؟
ويلاوي چف القدر .. لو يدري بيه بخطر
مشهد على المشرعه يرجع تره يعيده
......٢......
جبتوله سبعين ألف ردتوا تبلعونه
موس بلهاة العدى لا فوگه لا دونه
ظنيتوا بيه ينعبر؟ ردتوا تعبرونه؟
تدرون غمگه شكثر عباس تدرونه؟
يغرگ تره اليعتقد عباسنه يعبره
كلمن تدنه أظن ما يعرف شكبره
مو گيش اخوي البحر .. لو يدري بيه بخطر
مشهد على المشرعه يرجع تره يعيده
.....٣.....
گل لزجر يبتعد ويبعد ارجاسه
وكت اللزوم انگلب والحمزه عباسه
خافنه شاف الولي نوم العصر جاسه
حسبتوا ميت لأن فوگ الرمح راسه؟
دوم اطول من البشر عباس بيه عاده
جدامه دوم العدو ما يلگه مشراده
ليث اعله جرف النهر.. لو يدري بيه بخطر
مشهد على المشرعه يرجع تره يعيده
......٤.....
خافن تظنهم گظوا أولادي وخواني
لو غاب عدنا گمر يطلع گمر ثاني
ليغرك أبچي اخوتي لتغرك أحزاني
وتشوفني مچتفه ومحروگ صيواني
كونك شفتني ارتجف فوگ الهزل سعفه
مو خوف هذا حزن چي طلعتي كلفه
ماشاف طولي بشر ... لو يدري بيه بخطر
مشهد على المشرعه يرجع تره يعيده
.......5.......
لوچان اخونه عدل فنك تمر بينه
إنته اعله راس الرمح ما تنظر بعينه
لويدري بيك الگمر يا شمر سابينه
يلغي الممات ويجي وفقاره بيمينه
كلفته مره وخلص ماريد اكلفنه
يسويها هوله الفحل أدري امن احشمنه
ما يتركلكم أثر ... لو يدري بيه بخطر
مشهد على المشرعه يرجع تره بعيده
لا تعتقد يا شمر عن كافلي بعيده
هذا بعمود العلم مطبوع چف إيده
لا تحچي يم الگمر ... لو يدري بيه بخطر
مشهد على المشرعه يرجع تره يعيده
...... .......
ثوب الهوان وعلي موثوبي تدريبه
عودي يخوف العدو واخواني اهل نيبه
الموت بغلاة الزلم كلهم معازيبه
لكن هوان الزمن تفتر دواليبه
حطني بموقف صعب خلاني احاچيكم
لويدري هسه الولي لحظه ويصل ليكم
يخسى اليگول اعتذر .. لو يدري بيه بخطر
مشهد على المشرعه يرجع تره يعيده
....١.....
لتگلي وين اخوتچ والكافلچ وينه
خافن صدگ أمّنت مگطوعه چفينه؟
انشلت يمينك ولك لا تضرب اسكينه
عمها اعله شاطي النهر يرجف سهم عينه
هسه يشلعه ويجي من كونها تشحمه
ومنكم أشوفن بعد يضربها يازلمه؟
ويلاوي چف القدر .. لو يدري بيه بخطر
مشهد على المشرعه يرجع تره يعيده
......٢......
جبتوله سبعين ألف ردتوا تبلعونه
موس بلهاة العدى لا فوگه لا دونه
ظنيتوا بيه ينعبر؟ ردتوا تعبرونه؟
تدرون غمگه شكثر عباس تدرونه؟
يغرگ تره اليعتقد عباسنه يعبره
كلمن تدنه أظن ما يعرف شكبره
مو گيش اخوي البحر .. لو يدري بيه بخطر
مشهد على المشرعه يرجع تره يعيده
.....٣.....
گل لزجر يبتعد ويبعد ارجاسه
وكت اللزوم انگلب والحمزه عباسه
خافنه شاف الولي نوم العصر جاسه
حسبتوا ميت لأن فوگ الرمح راسه؟
دوم اطول من البشر عباس بيه عاده
جدامه دوم العدو ما يلگه مشراده
ليث اعله جرف النهر.. لو يدري بيه بخطر
مشهد على المشرعه يرجع تره يعيده
......٤.....
خافن تظنهم گظوا أولادي وخواني
لو غاب عدنا گمر يطلع گمر ثاني
ليغرك أبچي اخوتي لتغرك أحزاني
وتشوفني مچتفه ومحروگ صيواني
كونك شفتني ارتجف فوگ الهزل سعفه
مو خوف هذا حزن چي طلعتي كلفه
ماشاف طولي بشر ... لو يدري بيه بخطر
مشهد على المشرعه يرجع تره يعيده
.......5.......
لوچان اخونه عدل فنك تمر بينه
إنته اعله راس الرمح ما تنظر بعينه
لويدري بيك الگمر يا شمر سابينه
يلغي الممات ويجي وفقاره بيمينه
كلفته مره وخلص ماريد اكلفنه
يسويها هوله الفحل أدري امن احشمنه
ما يتركلكم أثر ... لو يدري بيه بخطر
مشهد على المشرعه يرجع تره بعيده
تعليق